Kitap Qazaqstannyń konsýldyq qyzmeti qalaı qalyptasqanyn baıandaıdy. Basylymda konsýldyq qyzmettiń negizin qalap, damýyna zor úles qosqan dıplomatııalyq qyzmet ardagerleriniń, elshiler men dıplomattardyń tarıhı ocherkteri, áńgimeleri men faktileri jınaqtalǵan.
Kitaptyń tusaýkeser rásimine QR Syrtqy ister mınıstriniń orynbasary Qanat Tumysh, dıplomatııalyq qyzmet ardageri Baǵdat Seıtbattalov, qurylymdyq bólimshelerdiń basshylary, sondaı-aq syrtqy saıasat vedomstvosynyń ujymdary qatysty.
Is-sharaǵa shaqyrylǵan qonaqtar kitapta sıpattalǵan konsýldyq qyzmet ókilderiniń kúndelikti jumysynda kezdesetin ártúrli oqıǵalar men ómirlik jaǵdaılaryna, sonyń ishinde jahandyq pandemııa kezindegi, janjal oshaqtaryndaǵy jáne shetelde basqa da túrli jaǵdaılardaǵy qyzmetine úlken qyzyǵýshylyq tanytty.
Tusaýkeserden keıin avtograf-sessııa ótkizilip, qonaqtarǵa kitaptar taratyldy.
Gúlshahra SANSYZBAI
