Aqtóbe oblysynda alaıaqtar aıylyn jııar emes

AQTО́BE. 16 maýsym. Aqtóbe oblysynda alaıaqtar turǵyndardyń jalpy kólemi 8 mln. teńgesin «oljalap» ketken. Bul týraly egemen.kz tilshisi habarlady. 2014 jyldyń 12 maýsymynda 54 jastaǵy qala turǵyny óziniń senimine kirip, sońynda «Jańa úı» baǵdarlamasy boıynsha páter alýǵa kómektesemin dep 8 myń AQSh dollaryn ıemdenip ketken bir adamnyń ústinen quqyq qorǵaý ornyna shaǵymdanǵan. Atalǵan derek boıynsha ýchaskelik polısııa  ınspektorlarymen osyǵan uqsas qylmystary úshin buryn sotty bolǵan 62-jastaǵy qala turǵyny ustaldy. Tergeý barysynda ustalǵan áıel óz kinásin moıyndady. Sol kúni tıisti orynǵa alaıaqtardyń qurbany bolǵan taǵy bir jábirlenýshi shaǵym túsiredi. Ol 2010 jyldyń qyrkúıek aıynda bir adam ózine páter alýǵa kómek beremin dep 6 mln. 836 myń teńgesin alyp ketkenin aıtqan. Qazir kúdiktilerge qatysty Qylmystyq kodekstiń 177-baby boıynsha is qozǵaldy. Bul ázirge belgili bolǵandary ǵana. Satybaldy Sáýirbaı. Derekkóz: egemen.kz. Foto: simplehomebusinessystem.com.