Elimizde 10 memlekettiń azamattary úshin vızasyz rejim 15 shildede engiziledi

ASTANA, 13 maýsym. Úkimet elimizge ınvestısııa quıýda senimdi seriktes bolyp kele jatqan 10 eldiń azamattaryna vızasyz rejimdi ári qaraı uzartý máselesin sheshedi. Bul týraly egemen.kz tilshisi habarlady. Elimizdegi dıplomatııalyq korpýstyń ókilderimen kezdesken Syrtqy ister mınıstriniń birinshi orynbasary Rápil Joshybaev: «10 memlekettiń azamattary úshin vızasyz rejimdi biz bıylǵy jyldyń 15 shildesinen bastaımyz. Bul tártip 2014 jyldyń 15 shildesinen 2015 jyldyń 15 shildesine deıin engiziledi. Naqtylaı aıtqanda, AQSh, Nıderlandy, Ulybrıtanııa, Fransııa, Germanııa, Italııa, Malaızııa, Birikken Arab Ámirlikteri, Ońtústik Koreıa jáne Japonııa azamattary Qazaqstanda vızasyz 15 kúntizbelik kúnge deıin bola alady. Al eger 15 kúnnen assa, onda sheteldikter zańda belgilengen tártippen vıza rásimdeı alady», – dedi. R.Jolshybaevtyń aıtýynsha, atalǵan sharanyń maqsaty – elge ınvestısııa tartý jáne týrıstik salany jetildirý. EXPO-2017 kórmesi qarsańynda mundaı sharalar mańyzdy. Esterińizge sala keteıik,  Memleket basshysy Nursultan Nazarbaev Sheteldik ınvestorlar keńesiniń 27-shi otyrysynda atalǵan 10 eldiń azamattary úshin birjaqty vızasyz rejimniń ornatylatynyn málimdegen bolatyn. Joldybaı Bazar. Derekkóz: egemen.kz. Foto: ortcom.kz.