Elimizde týrızm salasyna 6 mlrd. dollarǵa deıin ınvestısııa quıylýy múmkin

ASTANA. 16 maýsym. Elimizde Týrızm salasyn damytýǵa 2020 jylǵa qaraı 6 mlrd. dollarǵa deıin jeke ınvestısııalar tartýǵa múmkindik bar. Úkimet basshysynyń orynbasary,  Indýstrııa jáne jańa tehnologııalar mınıstri Áset Isekeshev osylaı dedi. Bul týraly primeminister.kz. Parlament Májilisindegi Úkimet saǵatynda Áset Isekeshev: «Árıne, biz týrızm salasyn damytýdyń jaǵymdy nusqasyna umtylamyz. Osy ssenarıı boıynsha salanyń jalpy ishki ónimindegi úlesi 3 paıyzǵa, jeke ınvestısııalar 6 mlrd. dollarǵa jetýi jáne 300 myńǵa deıin jańa jumys orny qurylýy múmkin», – dedi Á. Isekeshev. Sondaı-aq, Úkimet basshysynyń orynbasary,  Indýstrııa jáne jańa tehnologııalar mınıstri týrızm salasyn 2020 jylǵa deıin damytýdyń úsh ssenarıi jasalyp jatqanyn aıtty. Budan bólek, ol týrızmdi damytýǵa baılanysty birqatar zańnamalyq ózgerister josparlanǵanyn málimdedi. Áset Isekeshev: «Taıaý arada zańnamalyq aktilerge ózgeristermen Parlamentke kelemiz. Mundaǵy maqsat – sheteldik týrıster vızalyq tártipti jeńildetý, ishki, áleýmettik týrızmdi damytý», – dedi. Onyń aıtýynsha, jaǵymdy ssenarıı boıynsha 2020 jylǵa qaraı elimizge jyl saıyn keletin týrıster sanyn 8-9 mln. kórsetkishke jetkizý kútilýde. Joldybaı Bazar. Derekkóz: primeminister.kz. Foto: Dmk.