Sheteldik ınvestorlar Soltústik Qazaqstan oblysyna qyzyǵýshylyq bildirýde

ASTANA. 16 maýsym. Tabıǵaty sulý Soltústik Qazaqstan oblysynda týrızm salasyn damytýdyń múmkindigi joǵary. Bul týraly «24kz» habarlady. Soltústik Qazaqstan oblysy Aıyrtaý aýdanyndaǵy Imantaý, Shalqar kólderine shekara asyp keletin demalýshy qatary jyl saıyn artyp keledi. Sheteldikter kýrorttyq ólkeniń damýyna qyzyǵýshylyq tanytyp otyr. Qaltaly azmattar óz qarjylaryn basqa da salalarǵa salýǵa múddeli. Jergilikti atqarýshy bılik osy maqsatta shet memleket elshilerine 200 hat joldaǵan. Osy oraıda Soltústik Qazaqstan oblysy Indýstrıaldy-ınnovasııalyq damý basqarmasy bóliminiń jetekshisi Irına Kýznesova: «Investorlar basqa da salalarǵa qyzyǵýshylyq tanytyp otyr. Atap aıtsaq, aýylsharýashylyǵy ónimderin óńdeý, mashına jasaý, taý-ken óndirisi, qurylys ındýstrııasy. Qazirde Belgııa, Avtrııa, Shveısarııa, Ispanııa, Slovakııa, Polsha, Lıtva memleketteriniń elshilerimen kelissózder júrgizip jatyrmyz», – dedi. Joldybaı Bazar. Derekkóz: «24kz». Foto: wikimapia.kz.