Aqparat jáne qoǵamdyq damý mınıstri Darhan Qydyráli LinkedIn kompanııasynyń Eýropa, Taıaý Shyǵys, Afrıka jáne Latyn Amerıka boıynsha memlekettik sektor jáne kommersııalyq emes uıymdardaǵy satý bóliminiń basshysy Sheımýs Klensımen onlaın formatta kezdesti, dep habarlaıdy Egemen.kz vedomstvonyń baspasóz qyzmetine silteme jasap.
Darhan Qydyráli QR Prezıdenti Qasym-Jomart Toqaev júrgizip jatqan reformalar jóninde jáne mınıstrlik jetekshilik etetin sala men baǵyttar týraly aıtyp berdi.
Sonymen qatar mınıstr Qazaqstanda 14 mln-ǵa jýyq adam (halyqtyń 72%) áleýmettik jeliniń belsendi paıdalanýshylary ekenin atap ótti.
«Áleýmettik jelini qoldaný úrdisi kúndelikti ómirge tikeleı áser etedi. Sondyqtan ony durys baǵytta paıdalanǵan jón. Búginde elimizde jýrnalıster, baspasóz hatshylary, medıamenedjerlerdiń kásibı deńgeıin arttyrý úshin qajetti sharalardy qoldanyp otyrmyz. Osy oraıda áleýmettik jeli men onlaın platformalardy qoldaný tıimdi dep bilemiz jáne sizdermen seriktestik ornatýǵa múddelimiz», dedi mınıstr.
О́z kezeginde LinkedIn kompanııasynyń bólim basshysy Sheımýs Klensı: «Jalpy Ortalyq Azııa memleketteriniń ishinen eń birinshi bop LinkedIn kompanııasy Qazaqstanmen, ıaǵnı, sizdermen kezdesip otyr. О́te qýanyshtymyz jáne qoldanýshylar úshin tıimdi birlesken jobalardy atqarýǵa bolady. Seriktestikke árqashan daıynbyz!» dedi.
Eske salaıyq, qazirgi tańda Qazaqstan Meta, TikTok sııaqty álemdik kompanııalarmen tikeleı baılanys ornatyp, tıimdi qarym-qatynas júrgizip otyr.
Prezıdenttiń qarapaıymdylyǵy qatty unady – Shavkat Rahmonov
Sport • Búgin, 23:06
Mereke • Búgin, 08:53
BUU Naýryzy: Álemdi úılestiretin meıram
Mereke • Búgin, 08:50
Abaı • Búgin, 08:47
Mereke • Búgin, 08:45
Mereke • Búgin, 08:43
Uqsas jańalyqtar
