Balǵyn qalamgerler baǵaly syılyq aldy

Olardyń arasynda:

«Qoıan kelip shaı qoıdy,

Aıý bappen qoı soıdy.

Ázirlegen tamaǵyn,

Torǵaı tartyp

jep qoıdy»,

degen ótirik óleń joldap, kúl­kige qarq qylǵan Aınaz Janes te bar.

Balǵyn qalamgerlerdi redaksııada aqyn, Qazaqstannyń eńbek sińirgen qaıratkeri, Memlekettik syılyqtyń laý­­reaty, «Otan», «Qurmet» orden­deriniń ıegeri Aqushtap Baq­ty­gereeva bastaǵan aǵa-apa­lary qarsy alyp, olardyń shyǵar­mashylyq saparyna aq jol tiledi. «Biz de kókórim ke­zimizde gazetke hat joldaıtynbyz. So­syn «Qashan shyǵady eken?» dep taǵatsyzdana kútip júre­tinbiz. Qalam ustaý – kez kelgenge berilmeıtin qasıet. Sý­ret salý, óleń jazý ónerge, ómir­ge qushtarlyqtan bastalady. Men «Oral óńiriniń» balaýsa tilshileriniń jyldan-jylǵa qatary kóbeıip kele jatqanyna qýanyshtymyn. Búgin senderge ana, áje retin­de aq batamdy berýge keldim. «Joldaryń aq bolsyn, ǵumyr­laryń uzaq bolsyn! Jyr­laı­­tyn taqyryptaryń týǵan jer bolsyn, týǵan eldiń aspanyn bult torlamasyn! Aq­jaıyqtyń atyraby senderdi ar­mannyń asqaryna attandyrar tuǵyr bolsyn!», dedi aqyn.

Sonymen Terekti aýdany Shaǵataı aýylynda turatyn Káýsar Naýryzǵalı – «Týǵan el», Terekti aýdany Jańaómir aýylynda turatyn Sabına Jyl­qyshy – «Baqytty bala­lyq shaq», osy aýyldyń ta­ǵy bir óreni Aınaz Janes  «Ush­qyr qııal» atalymdary bo­ıynsha marapattaldy. Te­rekti aýdany Aqsoǵym aýy­lyn­da tu­ratyn Nurqanat Sy­rym «Aza­mat» atalymynyń júl­desin ıelendi. Báıterek aýda­ny О́rken aýylynan Asyl Sá­lim­janqyzy men Ińkár Ǵazız «Meıirim» jáne «Balǵyn boıaý» atalymdary boıynsha marapattaldy. Jańaqalalyq Ázız Ańsabekov «Uly mártebeli Tá­ýelsizdik» atalymyn en­shi­ledi. Oral qalasyndaǵy №45 mektep oqýshylary Arsen Mahambet «Tabıǵat janashyry», al Ámir Saparálıev «Ta­nym terezesi» atalymy boıynsha úzdik dep tanyldy.

«Aınalaıyn» balalar shy­ǵarmashylyǵy baıqaýynyń jeńimpazdaryna ardager ustaz M.Bergen jáne Q.Esendııarov, Ǵ.Janbozov, E.Esenǵalıev, S.Toqmámbetov syndy azamattar demeýshi bolǵan.

Batys Qazaqstan oblysy