Qostanaıdaǵy oblystyq aýrýhanada birinshi ret kúrdeli ýrologııalyq operasııa jasaldy. Dárigerler bul joly búırektegi úlken tastardy naýqastyń búıirin tesý arqyly alyp shyqty.
Endoýrologııalyq operasııalardy on jyldan beri jasap kele jatqan dárigerler buǵan deıin úgitý arqyly qýyq pen nesepaǵardaǵy tastardy ǵana alyp tastaı alatyn. Qajetti endoskopııalyq qurylǵy bolmaǵandyqtan búırek astaýyndaǵy úlken tastardy alý múmkin bolmaı kelgen.
Kúrdeli operasııany jasap shyqqan hırýrg-ýrolog Jasulan Ámirjanovtyń aıtýynsha, endi búırekke baılanǵan tasty alý úshin búıirdi burynǵydaı 20 santımetr kesip operasııa jasaý qajet emes. Ony kólemi 8 mm bolatyn shaǵyn tesik arqyly da alyp shyǵýǵa múmkindik bar.
– Ashyq operasııa jasaǵan naýqas bir aıdan keıin, keıde birneshe aıdan keıin ǵana ońala bastaıdy. Keıde kesken jeriniń jarasy asqynyp ketýi de múmkin. Al jańa tásilmen jasalǵan operasııadan keıin mundaı táýekel bolmaıdy. Biz tesikke arnaıy endoskopııalyq qural suǵyp, tasty lazermen úgitemiz. Odan keıin drenajdyq tútikshe ornatyp, 2-3 kún ótken soń alyp tastaımyz. Operasııany bas-aıaǵy 40 mınýttyń ishinde jasap shyǵamyz. Naýqas esin bilip jatady. Biraq julynyna annestezııa salamyz, sondyqtan biz operasııa jasap jatqanda eshteńe sezbeı qalady, – deıdi Jasulan Ámirjanov.
Buryn mundaı operasııa jasatý úshin naýqastar Astanaǵa nemese Reseıge baratyn. Oblystyq aýrýhana dárigerleri dıametri 5 mm bolatyn taǵy bir nefroskoptyń kelýin kútip otyr. Bul qural naýqastyń operasııadan keıingi ońalý kezeńinde jaranyń asqynyp ketý múmkindigin azaıta túsedi.
Ýrologııa bóliminiń meńgerýshisi Sergeı Beloýsovtyń aıtýynsha, óńirde jylyna 700-den asa adam ýrologııalyq patologııadan ótedi eken. Olardyń 35-40 paıyzy – nesep-tas aýrýlarymen aýyratyn naýqastar.
Qostanaı oblysy
Prezıdenttiń qarapaıymdylyǵy qatty unady – Shavkat Rahmonov
Sport • Búgin, 23:06
Mereke • Búgin, 08:53
BUU Naýryzy: Álemdi úılestiretin meıram
Mereke • Búgin, 08:50
Abaı • Búgin, 08:47
Mereke • Búgin, 08:45
Mereke • Búgin, 08:43
Uqsas jańalyqtar
