Áskerı topograf

30 qańtarda Qazaqstan Qa­rýly Kúshterinde áskerı topo­graf­tar kúni atap ótiledi. Ás­kerı topograf – bul erekshe ma­man­dyq. Olar zamanaýı joǵary teh­nologııalyq jabdyqtardy, elektrondy 3D-kartany jáne jer­­diń belgilerin paıdalaný arqyly bógde jerlerde baǵytyn jaq­sy bilip, geodezııalyq júıeler­di qurýmen qatar basqa da kúrde­li ınjenerlik tapsyrmalardy oryndaıdy.

Qyzmetteri bylaıǵy jurt­tyń kózine kóp kórine bermeıtin olar ózderine júktelgen min­det­terdi abyroımen atqaryp ke­ledi. Búginde sala mamandary qa­tarynda eńbegimen elengen ofı­serler az emes. Solardyń biri – Áýe qorǵanysy kúshteriniń to­po­grafııalyq qyzmet bastyǵy, po­dpolkovnık Rýslan Baqytuly Bekbaev.

Rýslan úshin ótken jyl je­misti boldy. Halyqaralyq armııa oıyndarynyń Qazaqstan aýma­ǵynda tuńǵysh ret ótkizilgen «Me­rıdıan» saıysyna qatysyp, el namysyn qorǵady. Jarysta biz­diń áskerı topograftar jeńimpaz atandy. Bul jetistigi úshin maıor Bekbaevqa Qorǵanys mınıstri­niń buıryǵymen podpolkovnık kezekti áskerı ataǵy merziminen buryn berildi.

– Shoqan Ýálıhanov atynda­ǵy áskerı kolledjdiń «Aman­dyq» polıgonynda ótken saıysta ­biz­diń jigitterdiń mereıi ústem bol­dy, – deıdi podpolkovnık Rýslan Bekbaev. – Segiz komanda qa­tysqan jarys «Atys shebi», «Azımýt» jáne «Topografııalyq kvadratlon» dep atalatyn úsh ke­zeńnen turdy. «Atys shebinde» áskerı topograftar AK-74 avtoma­tynan oq atý daǵdylaryn praktıka júzinde kórsetip, jeńim­paz jı­naǵan upaı sanyna qaraı anyqtaldy.

Al «Azımýt» kezeńiniń jat­tyǵýlarynda orman ishinde óz­deriniń oryndaryn, azımýttaryn tabý boıynsha jáne kompaspen saıysqa tústi. Kólemi 12 sharshy shaqyrym aýdannyń ortasha qıy­lysqan jerimen qozǵala oty­ryp, berilgen baǵyttar men tak­tıkalyq tapsyrmada kórsetil­gen baqylaý núktelerin júrip ótýde bizdiń áskerı topograf­ta­­ry kásibı sheberlikterin kórsetti. Topogeodezııalyq eseptoptar sa­ıy­synda 41 mınýt 53 sekýndta je­ńiske jetken bizdiń komanda jeńimpaz atandy, – deıdi Rýslan Baqytuly.

«Topografııalyq kvadrat­lon» saıysynda bizdiń topograf­tar bas­qa eldiń topogeodezııa­lyq bólimshelerimen birge arnaıy maqsattaǵy geodezııalyq jumys­tardy oryndaı otyryp, jolaq­tar­dan ótýden saıysqa tústi. Uzyn­dyǵy 1850 metrlik jarys jolynda túr­li kedergi jolaqtaryn eńsere bildi.

Budan ózge bizdiń topo­geo­de­zııalyq eseptoptardyń «Fazl» jınaý saıysynda da bólshektel­gen topografııalyq kartalar­dan ártúrli nysandardyń koordınat­taryn ýaqytynda anyqtaı al­ǵanyn da erekshe atap ótý kerek.

Rýslan Shymkenttegi Sabyr Rahımov atyndaǵy áskerı mektep-ınternattyń túlegi. 2003 jyly Sankt-Peterbýrg qalasyndaǵy A.F.Mojaıskıı atyndaǵy Ás­ke­rı-ǵarysh akademııasyna oqýǵa túsip, 2009 jyly «aerofotogeo­dezııa» mamandyǵyn alyp shyqqan.

Alǵashqy qyzmeti Qaraǵan­dy oblysynyń Abaı qalasyn­da­ǵy áskerı bólimde bastalǵan ol aǵa ofı­ser, bólim bastyǵy laýazym­darynda boldy. 2017 jyly Máskeýdegi M.F.Frýnze atyndaǵy áskerı akademııaǵa oqý­ǵa tústi. 2019 jyly aka­de­mııa­­lyq bilimi bar jas maman Áýe qor­ǵanysy kúshterine topo­gra­fııa­lyq qyz­met bastyǵy laýazymyna taǵa­ıyndaldy.

Saqına almasqan ómirlik seri­gi Anar ekeýi Shaıhıslam, Shah­aslan, Lıaısan, Rasýl atty kishken­taılardy tárbıelep otyr.

Er – eliniń qorǵany. Ol úshin jigitke talmas qanattaı talap, qaıtpas qajyr men qaırat kerek. Rýslandy otbasynda kishkentaı kúninen osyǵan tárbıeledi. Ata-anasy naǵyz azamat bolyp qa­lyptasý úshin qaısar minezdi bolý kerek­tigin únemi aıtyp otyratyn. Soǵan saı ol da bala kezinen ofıser bolýdy armandap ósti. Al armannyń oryndalǵany qan­daı jaqsy!