Qosymsha bilim beretin uıymdar tehnıkalyq, jaratylystaný, týrıstik-ólketaný, dene shynyqtyrý-saýyqtyrý, áleýmettik-gýmanıtarlyq jáne kórkemdik baǵyt boıynsha balalardy shyńdaıdy. Oqýshy qaı úıirmege baratynyn ózi sheshedi. Bastysy, bos ýaqytyn paıdaly iske arnasa boldy. Qazir balalarǵa qosymsha bilim beretin mekemeler kóptep ashylǵanymen, jyldan-jylǵa oqýshylardyń sany da artyp jatqanyn elep-eskerý qajet. О́ńirlerde qosymsha bilim berý uıymdaryn ashý baǵytyndaǵy sol úshin de úzilgen joq.
Naq qazir elordada 11 qosymsha bilim beretin uıym bar bolsa, onyń 158 fılıaly men 10 community ortalyǵy ashyq. Buǵan qosa úıirmelerge qatynaıtyn balalardyń úlesin arttyrý maqsatynda «Bilim park» qosymsha bilim berý ortalyǵy, «Art is Forever» beıneleý óneri murajaıy, «Muz alem» №2 Balalar mýzyka mektebiniń fılıaly, «Saz alemi» №3 Balalar mýzyka mektebiniń fılıaly, «Asyl mura» №1 О́ner mektebiniń fılıaly jumys isteıdi. Ol az deseńiz, 2021 jyly qyrkúıekte «Temirjolshylar» kentinde myńnan asa balany qamtıtyn Ál-Farabı atyndaǵy Oqýshylar saraıynyń jáne «Kóktal» turǵyn úı alabynda 600 balany qamtıtyn M.О́temisov atyndaǵy Oqýshylar saraıynyń fılıaldary ashylǵan. Oqýshylardyń shyǵarmashylyǵyn shyńdaý maqsatynda qala ákimdiginiń bilim basqarmasy shahmat federasııasymen birlesip, qalanyń barlyq mektebinde shahmat úıirmesin ashýǵa yqpaldasqan. Taǵy da bir jańashyldyqqa toqtalsaq, ár mektepte dombyra synybyn ashyp, oqýshylar arasynda dombyra orkestrlerin qurý jaıy da pysyqtalyp jatqan kórinedi. Endi osy ózgeris oqýshylardy bala jastan el tarıhyn, ádet-ǵurpy men dástúrlerin syılap-qurmetteýge úıretedi degenge úmit basym.
Qazir Astana qalasyndaǵy mektepterde 152 546 oqýshy (76,8%) qosymsha bilimmen qamtylǵan. Olar uzyn-sany 2 370 úıirmege qatynaıdy. Al mektepten tys uıymdarda jáne jalpy bilim beretin mektepterde 763 sport seksııasyna 88 555 (44,5%) oqýshy qatysady eken.
