Qorqynyshtyń arty – qýanysh

Qonysty bolǵan kelinshek qol­ushyn sozǵan jandarǵa rı­za­­­­shy­lyǵyn bildirdi.

– Páter jaldap turyp jat­qa­nymyzǵa 15 jyl bolǵan edi. Úıi­miz órtenip ketip, áp-sátte qaı­ǵy jutyp qaldyq. Alǵash­­qy­da ne isterimizdi bil­meı, bala-sha­ǵamyzben qat­ty kúızeldik. Bizdi dalada qaldyrmaı, jaǵ­da­ıy­­myzdy kórip, kómek bergen, jár­demdesken aǵaıynǵa rah­met. Áýeli Alla, sosyn qarapaıym halyqtyń arqasynda baspanaǵa qol jetkizdik. Endi ol ózimizdiń jeke úıimiz. O basta rasy kerek, jurt qaıǵymyzǵa ortaq­ta­sady, úı áperedi degen oı bolǵan joq edi. Ásirese, úıi­miz­diń bolatynyn estigende menen buryn ba­la­larym erekshe tolqydy. Qýa­nyshtan tóbesi kókke eki eli jetpeı qaldy. Tipti bala-shaǵamnyń ishindegi tuńǵyshym «anashym, Allaǵa myńda bir shúkir. Endi biz páter jaldap dalada qań­ǵyr­maımyz», dep kó­ńili bosap, kóz jasyna erik berdi. Iá, ıyǵymyzǵa túsken zor aýyrt­pa­lyqty kóterisip, osyndaı qýanyshty sátke jetkizgen halqyma alǵystan basqa aıtarym joq. Qudaıym olardyń da árbiriniń shańyraǵyna tek jaqsylyqtar syılasyn, – dedi shattyqtan júzi bal-bul janǵan N.Dúısebaeva.

О́z kezeginde shaharda bir otbasyn aýyr jaǵdaıǵa qaldyrǵan tótenshe oqıǵanyń bolǵanyn estigen kásipker, ári Shymkent qalalyq qoǵam­dyq keńestiń múshesi Nurgúl Qoblanova dereý tilsiz jaýdan japa shekken kópbalaly ananyń jaǵdaıyn bil­mekke umtylady. Mundaı ja­­na­shyr­lyq­ty «Amanat» partııa­sy qalalyq fılıaly atqa­­rý­shy hatshysynyń orynba­sary Muratáli Qalmuratov ta kórsetedi. Olar kópbalaly otbasynyń hal-ahýalyn bili­sip, tur­mysqa qajetti zattarmen jáne kerekti azyq-tú­lik­pen qam­ta­masyz etip turdy.

Kásipker kelinshek N.Qob­la­­no­vanyń aıtýynsha, túngi aýa temperatýrasy -20 gradýstan tómendegen sa­qyl­da­­ǵan sary aıazda balalar da­lada qalyp qoı­­masynshy dep qatty ýaıym shegipti. Sóıtip shuǵyl arada árip­testerine qońyraý shalyp, shama jetkenshe jylý jınaý aksııasyna muryndyq bolǵan. Sonymen birge qaıyrymdy iste shet qalǵysy kelmegen halyq qaı­ǵyǵa dýshar bolǵan kóp­bala­­ly ananyń ápkesi Almıra Saty­baldıevanyń atyn­daǵy jeke shotqa qoldan kelgenshe qarjy aýdarǵan. Qysqasy, sa­­ýapty amal ja­saý­­­­­­­­­­­­da­­ qarapaıym tur­ǵyn­dar­dyń eshqaısysy da kómek qo­lyn sozýdan aıanbady.

Al Qaınarbulaq saıajaıy­nyń aýyl bıi Aqmaral О́mir­zaqova elden az ǵana ýa­qyt ishinde 22 mln teńgeniń jınal­ǵa­nyn aıtady. Sol qomaqty qarajattyń 19,5 mln teńgesi baspana satyp alýǵa jumsalsa, qalǵan aqshaǵa úı jı­haz­dary, kórpe-tósek sekildi eń qajetti turmystyq buıymdar satyp áperdi. Sonymen qatar jylýdan jınalǵan qarajatty taǵy da bir osyndaı órtten zardap shekken otbasyǵa járdem retinde úlestirgen.

Aýyl bıiniń aıtýynsha, qıyn sátte halyq aýyzbirshilik tanytyp, qaıǵynyń astynda qalǵan bir shańyraqqa ju­my­la kómek kórsetkeni ol ál­bet­te elde áli de janashyr aza­­mat­tar­dyń kóp ekeniniń jar­qyn dáleli, ári osyndaı qaıyrymdy qoǵam barda adamdar eshqashan ózderin jalǵyz sezinbek emes. Mine, osylaısha, halyqtyń qam­qorlyǵynyń nátıjesinde barynan aıyrylǵan otbasy qaıta úıli bolyp, olar úshin baqyttyń baıandy ǵumyry bas­taldy. Eń bastysy oqys oqıǵa adamdardy, tutas qoǵamdy sheni­­­­­­ne, atyna qaramastan ortaq iske birik­ti­rip jiberdi. Olar­­dyń ishinde qarapaıym halyq ta, kásipker de, partııa ókilderi de, eriktiler men qoǵamdyq uıymdar da bar. Tipti, mektep­te oqıtyn bala­lar­ǵa de­ıin qal­talarynan áke-sheshesi bergen tıyndaryn shy­­ǵa­ryp, qaıy­rym­dylyq aksııasyna atsalysypty.

Budan bólek jalmaǵan órt­ten jaramsyz kúıge engen úıdi «Elge qyzmet» qoǵamdyq qory kúrdeli jóndeýden ótkiz­gen. Al «Medıker» jeke medı­sı­nalyq klınıkasynyń basshysy, ári dáriger Baqytjan Pozı­lov bolsa, zardap shekken otba­syǵa ásirese kópbalaly kelin­shekke medısınalyq jáne psıho­lo­gııa­lyq kómek kórsetýge daıyn ekenin jetkizdi.

ShYMKENT