Astana qalasynda №2 Kópbeıindi qalalyq aýrýhana dárigerleri óndiriste zardap shekken jas jigittiń qolyn aman saqtap qaldy, dep habarlaıdy Egemen.kz elorda ákimdiginiń resmı saıtyna silteme jasap.
Naýqas 7 qańtar kúni shuǵyl túrde aýyr jaraqatpen aýrýhanaǵa túsken. Jas jigittiń oń qoly ıyǵynyń joǵary tusynan bólinip ketken.
Aýyr otany eki dárigerler brıgadasy 2 kezeńmen júrgizdi. Birinshi kezeńde angıohırýrgtar qan aǵymyn qalpyna keltirý úshin tamyrlardy tigip, ekinshi kezeńde travmatologtar bulshyqetterdi, nervterdi, sińirler men súıekterdi qalypqa keltirdi.
«Ota shamamen bes saǵatqa sozyldy. Biz ár otada barlyq dene múshelerin múmkindiginshe saqtap qalýǵa tyrysamyz. Bul joly tamyr-júıke baılamyna tolyq revızııa jasaý kerek boldy, tigis barlyq bulshyqetterge qoıyldy, óıtkeni qol tolyqtaı bólinýge ushyraǵan. Bastapqyda qoldy saqtap qalý jáne onyń fýnksııasyn qalpyna keltirý múmkindigi az edi. Otanyń sátti aıaqtalǵanyna óte qýanyshtymyz», dedi angıohırýrg dáriger Dastan Sabyruly.
Qazir naýqas ońaltý kýrsynan ótip jatyr, dárigerler oń qoldyń jumysyn qalpyna keltirýge belsendi qatysyp, ártúrli ádisterdi qoldanýǵa keńes berdi.
«Biz otany odan keıingi ońaltý áldeqaıda jyldam júzege asatyndaı etip jasaı aldyq. Barlyǵy biriktirildi, qazirgi ýaqytta naýqasty eshnárse mazalamaıdy», dedi travmatolog dáriger Álimjan Dúısenbaev.
Koreıada ustalǵan ekinshi qazaqstandyq 15 jylǵa sottalýy múmkin
Qoǵam • Búgin, 14:11
Shyǵys óńirinde Ulttyq ulannyń bas áskerı tárbıeshisi taǵaıyndaldy
Aımaqtar • Búgin, 14:06
Almatyda depýtattyq korpýs 66,7% jańartyldy
Aımaqtar • Búgin, 13:48
TikTok-ta Naýryz merekesi týraly beınerolıkter 120 mln ret qaraldy
Qoǵam • Búgin, 13:34
Almatyda 105 myń turǵyn kólik salyǵyn tólemegen
Qoǵam • Búgin, 13:10
Álıhan Smaıylov alda atqaratyn jumystar jaıynda aıtty
Úkimet • Búgin, 12:55
Uqsas jańalyqtar
