Adamdar qıyn jaǵdaılarǵa tap bolyp toryqqanda túrli qatelikke urynyp, tipti óz ózine qol salýǵa deıin baratynyn, biraq tikeleı psıhıatrııalyq kómek kórsetetin medısınalyq mekemelerge qaralýǵa jurttyń qaýesetinen qaımyǵatynyn aıtyp jatady. Endigi jerde kúızeliske túskenderge qolushyn sozatyn call-ortalyqtary bir aıdan beri Almaty, Taraz jáne Semeı qalalarynda jumysyn bastady.
Eger kúızelis qajytyp, degbirińiz qashyp, ómirden baz keship júrseńiz, 3580 nómirine jedel habarlasýǵa bolady. Elimizde psıhologııalyq kómekke muqtaj turǵyndar úshin tıimdi aqparattyq qyzmet kórsetýge umtylǵan 3580 call-ortalyǵy iske qosyldy. Bul joba «Qazaqstan Respýblıkasynda psıhıkalyq densaýlyqty saqtaýdyń biryńǵaı aqparattyq qyzmetin pılottaý» dep atalady. 23 jeltoqsannan bastap jumysqa kiristi.
Almaty qalasy, Jambyl jáne Abaı oblystarynyń Psıhıkalyq densaýlyq ortalyqtary men osy úsh óńirdiń Jastar medısınalyq ortalyqtarynyń qyzmetteri biryńǵaı aqparattyq júıege biriktirilip, halyqqa psıhıkalyq densaýlyq salasy boıynsha aqparattyq qyzmet kórsetip jatyr.
– Osy bastama arqyly 25 maman Respýblıkalyq psıhıkalyq densaýlyq ǵylymı-praktıkalyq ortalyǵynda «qashyqtan psıhologııalyq keńes berýdiń teorııalyq jáne praktıkalyq negizderi» boıynsha bilim alyp, kásibı bilimin jetildiretin trenıngterde shyńdaldy. Buǵan qosa suraq-jaýap boıynsha mamandarǵa arnalǵan bilim bazasy ázirlendi. Joba Respýblıkalyq psıhıkalyq densaýlyq ǵylymı-praktıkalyq ortalyǵy, Ulttyq qoǵamdyq densaýlyq saqtaý ortalyǵy jáne Dúnıejúzilik densaýlyq saqtaý uıymynyń Qazaqstandaǵy eldik keńsesiniń tehnıkalyq qoldaýymen dúnıege keldi. Árbir uıym DDU Eýropalyq óńirlik bıýrosymen kompıýterlik tehnıkany óteýsiz týraly kelisimge qol qoıdy. Jumys oryndaryn qural-jabdyqpen jabdyqtaý máselesi sheshildi. Bul – turǵyndardyń psıhıkalyq densaýlyq boıynsha aqparatty jedel jáne sapaly maǵlumatpen qamtamasyz etý maqsatynda ashylǵan biryńǵaı ortalyq. Árbir qońyraý shalǵan adamnyń málimetteri qupııa saqtalady. Sondyqtan qınalǵanda 3580 nómirine habarlasyp, psıhologııalyq kómekke júginińizder, – deıdi Respýblıkalyq psıhıkalyq densaýlyq ǵylymı-praktıkalyq ortalyǵynyń bas dırektory Qýanysh Altynbekov.
Atalǵan joba halyqtyń psıhıkalyq densaýlyq saqtaý salasy boıynsha qyzmetke qoljetimdiligin arttyryp, aqparattandyrýdy da kózdeıdi. Ári Respýblıkalyq psıhıkalyq densaýlyq ǵylymı-praktıkalyq ortalyǵynyń saıtynda qashyqtan psıhologııalyq kómek kórsetý tetikteri ázirlenip jatyr. Sonymen qatar qanatqaqty joba aıaqtalǵannan keıin onyń qyzmetine taldaý jasaý arqyly qyzmetin damytyp, osy jyly elimizdiń barlyq óńirinde biryńǵaı aqparattyq qyzmetin ashý josparlanyp otyr.
ALMATY
Almatyda 105 myń turǵyn kólik salyǵyn tólemegen
Qoǵam • Búgin, 13:10
Álıhan Smaıylov alda atqaratyn jumystar jaıynda aıtty
Úkimet • Búgin, 12:55
Túrkistanda joǵalǵan qyzdyń máıiti tabyldy
Oqıǵa • Búgin, 12:43
«QazFerroStal» JShS basshysy 10 jylǵa sottaldy
Qoǵam • Búgin, 12:32
Qazaqstanda 3D prınterler óndirisi iske qosylady
Ǵylym • Búgin, 12:27
Aqtóbede jańadan salynǵan SMART-CENTRE ǵımaratynda Saǵı Jıenbaevtyń portreti salynady
Mádenıet • Búgin, 12:12
Uqsas jańalyqtar
