Suranysqa saı maman daıarlaý qajet

Oqý-aǵartý birinshi vıse-mı­nıstri Sholpan Karınovanyń aıtýyn­sha, bıyl tehnıkalyq ba­ǵyt­­ta bilim alatyn stýdentter kóp.

– Bıylǵy oqý jylynda jańa tapsyrys 125 myń oryndy qurady. Alda áli respýblıkalyq bıýdjet­ten osy baǵytqa jumsalatyn mem­lekettik tapsyrys 50 myńǵa artady. Osylaısha, oqýǵa qabylda­na­tyn stýdentter sany 130 myńǵa jetedi. О́zekti máselelerdiń biri áleýmettik osal toptaǵy otbasylardan shyqqan balalardy oqýǵa tartý bolyp otyr. Búginde kolledjderde osy sanattaǵy balalar 9 baǵyt boıynsha qamtylǵan. Bıylǵy memlekettik tapsyrystyń 60%-ǵa jýyǵyn osy sanattaǵy balalar quraıdy. 2025 jylǵa deıin kásiptik-tehnıkalyq bilim mekemelerinde tehnıkalyq bilim berýdi damytamyz. 2023 jyly tehnıkalyq baǵytta oqyp jatqan stýdentterdiń sany artty. Atap aıtar bolsaq, metallýrgııa, IT, qurylys, ınjenerııa, qyzmet kór­setý salalaryna basymdyq be­­rilip otyr. Qazirde 61 myń stýdent tehnıkalyq mamandyqtar bo­ıyn­sha bilim alyp jatyr, – dedi ol.

Prezıdent tapsyrmasy sheńbe­rinde Oqý-aǵartý mınıstrligi oblys ákimdikterimen birlesip, kadr­lardy kásiporyndardyń tapsyrysy boıynsha maqsatty daıarlaýǵa kóshken. Bul úshin kásiporyn kolledjben maqsatty daıyndyq týra­ly shart jasaıdy. Osydan soń kásiporyn basshylyǵy stýdentti taǵylymdamadan ótkizýmen qosa keıin jumysqa ornalastyrý min­de­tin de quzyretine alady. Árıne, osyn­daı jańashyldyqtan soń bilim berý baǵdarlamalary jumys berý­shi­niń talaptaryna saı jańar­ty­latyny da utymdy sheshim bolǵan. Taǵy bir máselege toqtalsaq, kol­­ledj­derge akademııalyq der­bes­­tik berildi. Qazir eldegi kolledjder oqý baǵdarlamasyn, stý­dent­terdi oqytý merzimin anyqtap, jumys berýshilerdiń talaby bo­ıynsha maman daıarlaýǵa kóńil bóldi. Prezıdent tapsyr­masy boıynsha iri bıznes ókil­deri kolledjderge qamqor bolýy qajet. Tarqatyp aıtsaq, qa­zir­diń ózinde 410 memlekettik kol­ledjdi 498 kásiporyn qam­qor­­­­lyqqa alyp, uıysyp jumys istep jatyr. Kásiporyn ókilderi tizimdegi kol­ledjderdiń qamqor­shy­­lyq ke­ńesterine kiredi. My­saly, bú­­ginde kásiporyndar kol­ledj­­derdi jaraqtandyrýǵa, stýdent­terdi ta­ǵylymdamadan ótki­­zý­ge kóńil bóle bastapty. De­mek kásip­oryn stý­dent­tiń praktı­kadan, ta­ǵy­lym­da­madan ótýin uıym­­das­tyrýdy jáne odan ári ju­mys­qa orna­las­tyrý­dy óz quzy­ryna alady.

– Búginde kásiporyndar bazasynda osy taǵylymdamadan 300 myńnan asa stýdent ótti. Sondaı-aq 5 myńǵa jýyq pedagog kásiporyn bazasynda taǵylymdamadan ótip, jumystaryn jalǵastyryp keledi. Akademııalyq derbestikte óńirge qajetti kadr daıarlaýdyń taǵy bir basym bóligi dýaldy oqytýǵa qa­tysty. Búginde 558 kolledjde dýaldy oqytý engizilip, 72 myń stýdent qamtyldy. Maqsatty mem­le­kettik tapsyrys sheńberinde bi­lim berý baǵdarlamalary ju­mys berýshiniń talaptaryna saı jańartylady, dýaldy oqytý uıym­­dastyrylady, stýdentter oqý úde­­risinde kásiporynda praktı­ka­dan óte alady. Bul tapsyrys berý­­shiniń de, oryndaýshynyń da ortaq jaýapkershiligin artty­ra­dy. Bul rette túlekterdi 100% ju­­mysqa ornalastyrýǵa ba­sym­dyq beriledi. Bıylǵy oqý jylynda kásiporyndardyń tapsy­ry­sy boıynsha 10 myńnan asa stýdent oqyp jatyr jáne aldaǵy jyly kadrlardy nysanaly daıar­laý­ǵa memlekettik tapsyrys qalyp­tas­ty­rýdy josparlap otyrmyz, – dep túıindedi Sh.Karınova.