Qazaqstan elshisi Lıtva Prezıdentine senim gramotalaryn tapsyrdy

Saltanatty rásimnen keıin ótken kezdesý barysynda elshi Lıtva kóshbasshysyna Qazaqstan Prezıdenti Qasym-Jomart Toqaevtyń jyly lebizderin jáne izgi tilekterin jetkizdi.

Qazaqstandyq dıplomat óz suhbattasyn Astananyń Vılnıýspen ekijaqty yntymaqtastyqty, onyń ishinde saýda-ekonomıkalyq, kólik-logıstıkalyq yntymaqtastyq salalarynda odan ári nyǵaıtýǵa úlken mán beretinine sendirdi.

T. Orazaev suhbattasyn elimizde júrgizilip jatqan saıası jáne áleýmettik-ekonomıkalyq reformalarmen, sondaı-aq aldaǵy Qazaqstan Parlamenti Májilisi depýtattary saılaýynyń negizgi jańalyqtarymen tanystyrdy.

О́z kezeginde Lıtva kóshbasshysy elimizde júrgizilip jatqan saıası jańǵyrýdy joǵary baǵalap, tyǵyz jáne kópqyrly Qazaqstan-Lıtva yntymaqtastyǵy eki el halyqtarynyń ıgiligi úshin odan ári damı beretinine senim bildirdi.

Lıtva Prezıdenti Qazaqstan Prezıdenti Q. Toqaevpen ótken jyldyń qyrkúıeginde Nıý-Iork qalasynda ótken kezdesýdi jyly lebizben eske alyp, Qazaqstan basshysyn Vılnıýske resmı saparmen kelýge shaqyrdy.

Kezdesý barysynda taraptar ekijaqty qarym-qatynastardyń birqatar ózekti máselelerin talqylap, kólik baǵyttarynyń, onyń ishinde Orta dáliz baǵyty boıynsha Transkaspıılik baǵyttyń tranzıttik áleýetin odan ári iske asyrýǵa basa nazar aýdardy.

Suhbattastar ınvestısııalar, aýyl sharýashylyǵy, bilim berý jáne medısına salasyndaǵy ózara is-qımyldyń keń perspektıvalarynyń bar ekenin atap ótti.

Kezdesý sońynda Lıtva Prezıdenti elshini resmı qyzmetke kirisýimen quttyqtap, Qazaqstan-Lıtva qatynastaryn odan ári nyǵaıtý isine tabys tiledi.