Atalǵan kórmege Indýstrııa jáne ınfraqurylymdyq damý mınıstrligi men Oqý-aǵartý mınıstrliginiń, sondaı-aq Básekelestikti qorǵaý jáne damytý agenttiginiń, Samruk-Kazyna Construction kompanııasynyń, Ulttyq jobalaýshylar qaýymdastyǵy men tas óńdeý ónerkásibi kásiporyndarynyń ókilderi qatysyp, byltyr atqarylǵan jumys qorytyndylary men aldaǵy kezeńge arnalǵan josparlar talqylandy, dep habarlaıdy Egemen.kz QR IIDM baspasóz qyzmetine silteme jasap.
QR IIDM Indýstrııalyq damý komıteti Qurylys ındýstrııasy jáne aǵash óńdeý ónerkásibi basqarmasynyń basshysy Muhamed Andakovtyń aıtýynsha, qazir otandyq naryqta tas ónimderin shyǵaratyn 15-ten astam kásiporyn jumys istep keledi.
«Tas ónimderiniń óndirýshilerine qoldaý kórsetý maqsatynda byltyr Úkimet «Ulttyq rejimnen alyp tastaýdy belgileý týraly» qaýly shyǵarǵan edi. Bul qaýly tek Qazaqstan aýmaǵynda tas ónimderin shyǵarýmen aınalysatyn kásiporyndarǵa ǵana memlekettik satyp alý prosesine qatysýǵa múmkindik beredi», dedi M.Andakov.
Bul oraıda ishki naryqtaǵy qurylys materıaldaryna degen suranysty tolyq qamtyp, ımport táýeldiligin tómendetý men baǵanyń qubylmalyǵyn aldyn alý úshin 2026 jylǵa deıin jalpy quny 1 180 mlrd teńgege 161 ınvestısııalyq jobany júzege asyrý josparlanyp otyr. Osy arqyly 15 myńnan astam adamdy jumyspen qamtamasyz etýge jol ashylady.
Joǵaryda keltirilgen jobalardy tabysty iske asyrý úshin óńirlik ákimdikter jáne damý ınstıtýttarymen, sondaı-aq Ulttyq kásipkerler palatasymen maquldanǵan 2025 jylǵa deıingi qurylys ónerkásibindegi jobalardy iske asyrýǵa arnalǵan Jol kartasy ázirlenip, bekitildi.
Gúlshahra SANSYZBAI
О́skemende KamAZ tirkemesi jaıaý júrginshini qaǵyp ketti
Aımaqtar • Keshe
Elordadaǵy túngi klýbtardyń birinde mefedron satylǵan
Qoǵam • Keshe
Bratıslavada qazaqtyń kıiz úıi tigildi
Álem • Keshe
Bokstan ÁCh: Karına Ibragımova kúmis júldeger atandy
Boks • Keshe
Uqsas jańalyqtar
