Patrýldik polısııa qyzmetkeri Almat Ámirhanǵa Arqalyq qalasynyń ákimi Ámirhan Asanov qyzmettik turǵyn úı kiltin tabystady.
Buǵan deıin polısııa qyzmetkeri týystarymen birge turyp kelgen. Eske salaıyq, oqıǵa 7 qańtarda bolǵan. Qorshaýǵa ilinip qalǵan qyz balkonnan qulap túsken. Bul týraly qalalyq JBO-ǵa ótip bara jatqan adamdar tańǵy saǵat 5:30-da habarlaǵan. Oqıǵa ornyna patrýldik polısııa qyzmetkerleri Almat Ámirhan men Rýslan Qapsamatov baryp, jaǵdaıdy baǵalap, qyzdy qutqarý úshin barlyq sharalardy qabyldaǵan.
«Polısııa qyzmetkerleri óńirdegi qoǵamdyq tártipti qamtamasyz etedi jáne kúndelikti jumysta qıyn jaǵdaılarǵa tap bolady. Keıde adam ómiri tártip saqshylarynyń kásibı áreketterine baılanysty bolady. Osyndaı erlik áreketi úshin Almat Ámirhandy qyzmettik turǵyn úımen qamtamasyz etý týraly sheshim qabyldandy», dep atap ótti Arqalyq qalasynyń ákimi.
Ázirge polısııa qyzmetkeri em qabyldap jatyr. Qutqarý kezinde ol aıaǵyn jaraqattap alǵan edi.
