Suhbat barysynda dıplomat elimizdegi ekonomıkanyń jaı-kúıi jáne Prezıdent Qasym-Jomart Toqaevtyń QR Úkimetiniń aldyna qoıǵan mindetteri týraly aıtty. О́tken jyly Qazaqstan ekonomıkasynyń 3,1%-ǵa óskeni aıtyldy. Sondaı-aq Qazaqstan men Slovakııa arasyndaǵy ózara saýdanyń turaqty ósý úrdisi atap ótildi, onyń kólemi 2022 jyly 43%-ǵa ósip, 120 mln AQSh dollarynan asty. Bul rette qazaqstandyq ónimderdiń Slovakııaǵa eksportyn ulǵaıtý arqyly taýar aınalymynyń qurylymyn keńeıtý jáne saýdadaǵy teris saldony azaıtý qajettigi aıtyldy.
Slovakııa Saýda-ónerkásip palatasynyń tóraǵasy qazaqstandyq naryqtyń zor áleýetin, sondaı-aq slovak bıznesiniń Qazaqstanmen iskerlik baılanystardy damytýǵa múddeli ekenin aıta otyryp, saýda-ekonomıkalyq yntymaqtastyqty damytýǵa járdemdesýge daıyn ekenin bildirdi.
Kezdesý nátıjesinde Slovakııanyń astanasy men óńirlerinde Qazaqstannyń ekonomıkalyq jáne ınvestısııalyq áleýeti týraly dóńgelek ústelder men prezentasııalardy birlesip uıymdastyrý, sondaı-aq bıznes jobalardy iske asyrý múmkindikteri týraly turaqty aqparat almasýdy jolǵa qoıý týraly ýádelesti.
