3 aqpan kúni saǵat 21:57-de Qaraǵandy oblysyndaǵy Arshaly – Anar ýchaskesinde poıyz sońynda tehnıkalyq vagonnyń órtenýine baılanysty №105/106 Petropavl – Almaty baǵytyndaǵy poıyzdyń qozǵalysy toqtatyldy.
Poıyzda 235 jolaýshy bolǵan, zardap shekkender joq. О́rt sóndirildi.
«Jolaýshylardy tasymaldaý jáne Almaty vokzalyna jóneltý úshin Astanadan jeti kýpe jáne bir rezervtik vagonnan turatyn bir rettik poıyz jóneltildi. Qazirdiń ózinde «QTJ UK» AQ-nyń arnaıy qurylǵan komıssııasy oqıǵanyń sebepterin anyqtaýǵa kiristi», dep habarlady baspasóz qyzmetinen.
Kompanııanyń baspasóz qyzmeti saparǵa shyqqan jolaýshylarǵa temirjol kóligimen jolaýshylardy, bagajdy, júk bagajdy jáne poshtany tasymaldaý erejelerine sáıkes belgilengen tártipte jol aqysynyń aıyrmasy tólenetinin atap ótti.
