Básekege qabilettilikti arttyrý jáne kúrdeli jobalardy ıgerýge qosymsha ınvestısııalar tartý úshin jaǵdaılar jasaý maqsatynda 2023 jylǵy 10 qańtarda jańa tetik – jaqsartylǵan modeldik kelisimshartty (JMK) engizýdi kózdeıtin zań qoldanysqa engizildi.
Buǵan deıin atap ótilgendeı, JMK boıynsha jumysqa Qazaqstan Respýblıkasynyń aýmaǵynda jumys isteıtin iri álemdik munaı-gaz kompanııalarynyń, «Qazaqstandyq Sheteldik ınvestorlar keńesi» qaýymdastyǵynyń jáne «KAZENERGY» munaı-gaz jáne energetıka kesheni uıymdarynyń qazaqstandyq qaýymdastyǵynyń ókilderi tartyldy.
Bıznes pen memlekettiń birlesken dıalogy memleket pen ınvestordyń múddeleri arasyndaǵy teńgerimdi tásildi ázirleýge, kúrdeli jobalardyń naqty krıterıılerin, sondaı-aq retteýshi jáne fıskaldyq preferensııalardyń ýaqytsha paketin aıqyndaýǵa múmkindik berdi.
Joǵaryda kórsetilgen zań shyǵarý qyzmetiniń praktıkalyq nátıjesi 2023 jylǵy 24 qańtarda Energetıka mınıstrligi men «QazMunaıGaz» UK AQ arasynda Kaspıı teńiziniń qazaqstandyq sektorynda ornalasqan «Qalamqas teńiz, Hazar, Áýezov» jer qoınaýy ýchaskelerine jer qoınaýyn paıdalaný quqyǵyn berý boıynsha tikeleı kelissóz júrgizý boldy (kúrdeli teńiz jobasy).
Kómirsýtek salasyndaǵy ulttyq kompanııanyń strategııalyq áriptesi retinde álemdegi eń iri vertıkaldy ıntegrasııalanǵan jarııa munaı-gaz kompanııalarynyń biri – «Lýkoıl» kompanııasy tańdaldy.
2023 jylǵy 6 aqpanda kúrdeli jobalar boıynsha kómirsýtekterdi óndirýge arnalǵan Úlgilik kelisimshart talaptarynda jasalatyn kómirsýtek shıkizatyn óndirýge arnalǵan alǵashqy kelisimshartqa qol qoıyldy.
Bul jobany iske asyrý 32 mln AQSh dollary kóleminde qol qoıý bonýsyn tóleýdi, 6 mlrd AQSh dollarynan astam somada tikeleı ınvestısııalar tartýdy jáne jobany ázirleýdiń bastapqy kezeńinde shamamen 2,0 myń jańa jumys ornyn ashýdy kózdeıdi.
