IIM baspasóz qyzmeti naqtylaǵandaı, sapardyń maqsaty - AQSh-tyń polısııa men áleýmettik baǵdarlanǵan polısııa daıarlaý tájirıbesin úırený.
Qazaqstan polıseıleri Delaver, Vırdjınııa Shtattary polısııasynyń jáne Montgomerı okrýginiń polısııa basqarmasynyń áriptesterimen kezdesti. Qazaqstannan kelgen quqyq qorǵaý organdarynyń qyzmetkerleri kandıdattardy irikteý jáne jaldaý prosesteri, jańa jáne qoldanystaǵy qyzmetkerlerdi oqytý boıynsha oqý baǵdarlamalary, sondaı-aq qoǵamdastyqqa baǵdarlanǵan polısııa qyzmetin uıymdastyrý tásilderi týraly aqparat aldy.
«Esirtkige qarsy kúres akademııasynda jáne Federaldy tergeý bıýrosynyń akademııasynda kezdesýler kezinde kásibı daıyndyq pen tıisti polısııa ınfraqurylymyna erekshe nazar aýdaryldy», dep habarlady IIM baspasóz qyzmeti.
Aıta ketsek, taǵylymdy sapardy AQSh-tyń halyqaralyq esirtki aınalymyna jáne quqyq qorǵaý qyzmetine qarsy kúres jónindegi memlekettik departamentiniń bıýrosy jáne AQSh-tyń Qazaqstandaǵy elshiligi uıymdastyrdy.
Aıtolǵan JÚNISHAN,
L.N.Gýmılev atyndaǵy EUÝ stýdenti
