Energetıka mınıstri Bolat Aqsholaqov atap ótkendeı, otyn-energetıka keshenin damytý sheńberinde taýarlyq gaz óndirýdi (+25,5%) jáne respýblıkany gazdandyrý qarqynyn (2029 jyly 63,4%-ǵa deıin), munaı-gaz-hımııa ónimin (6,6 ese), kómir óndirýdi (+3%) ulǵaıtý jáne ekonomıkanyń energııa syıymdylyǵyn (5%-ǵa deıin) tómendetý jónindegi qadamdar qarastyrylǵan.
Elektr energetıkasyna qatysty birqatar qoldanystaǵy qýattardy jańǵyrtý jáne jańa óndirýshi qýattardy engizý josparlanyp otyr, bul qosymsha 11,7 GVt energııa beredi, sondaı-aq jańartylatyn kózderden alynatyn elektr energııasynyń óndirýdiń jalpy kólemindegi úlesin 12,5%-ǵa ulǵaıtýǵa, elektr jelileriniń tozý deńgeıin 47%-ǵa deıin tómendetýge, respýblıkanyń biryńǵaı energııa júıesin qurý jumystaryn aıaqtaýǵa múmkindik beredi.
Munaı-gaz-hımııa ónerkásibinde iri jobalardy, onyń ishinde polıetılen (jylyna 1,250 mln tonna), býtadıen ( 319 myń tonna), polıpropılen ( 80 myń tonna) shyǵaratyn zaýyttardy iske qosý kózdelgen. Bul rette Teńizde, Qashaǵan jáne Qarashyǵanaqta óndiristik qýattardy keńeıtý, sondaı-aq jańa perspektıvti jobalardy ázirleý esebinen munaı óndirý deńgeıin arttyrý josparlanyp otyr.
Sonymen qatar munaı, gaz, munaı ónimderiniń aınalymyn esepke alýdy, elektr energııasyn óndirý men berýdi avtomattandyrý, iske qosý úshin tehnıkalyq sharttardy elektrondyq túrde berý, tarıf qurýdy avtomattandyrý jáne basqa da salalardy odan ári sıfrlandyrý boıynsha sharalar josparlanǵan.
