«Grand Slam» jarystary elimizde ótedi

Ekijaqty kelisimshartqa sáı­kes, Qazaqstan álemdik «Grand Slam» jarystaryn 2023-2026 jyl­dar aralyǵynda qabyldaıdy. Aı­týly doda Astana jáne Almaty qa­lalarynda «Qazaqstan barysy Grand Slam» ataýymen ótkiziledi dep josparlanǵan. Sondaı-aq álem­­­dik týrnır aıaqtalǵannan keıin eli­mizde jyl saıyn turaqty túr­de halyqaralyq oqý-jattyǵý lager­leri uıymdastyrylady.

Is-shara kezinde Halyqaralyq dzıýdo federasııasynyń (IJF) pre­zıdenti Marıýs Vızer IJF úshin týr­nırdi ótkizý quqyǵyn álemdik ja­rystarda jyl saıyn top jaryp, úzdik nátıje kórsetip júrgen Qazaqstan sııaqty memleketke berý úlken mártebe ekenin jetkizdi.

«Keıingi birneshe jylda Qazaq­standa dzıýdo sporty óte qar­qyndy damyp keledi. Ony qazaq­standyqtardyń «Úlken dýlyǵa», Gran-prı, álem jáne Olımpııa oıyndarynda kórsetip júrgen nátıjelerinen-aq anyq ańǵarýǵa bolady. Sondaı-aq sizderdiń elde­rińizde árqashan IJF pen Azııa aı­maǵyndaǵy kóptegen sporttyq ja­rys turaqty túrde ótkizilip keledi. Álemniń toǵyzynshy terrıtorııasynda «Grand Slam» týr­nırlerin ótkizý dzıýdony da­my­týǵa da, ony tanymal etýge de jańa serpin beretinine se­nimdimin. Qa­zaqstan dzıýdo federasııasyna jemisti bolashaq tileı­min», dedi Halyqaralyq dzıýdo federa­sııa­synyń prezıdenti Ma­rıýs Vızer.

Qazaqstan dzıýdo federa­sııa­synyń prezıdenti Qýanyshbek Esekeev elimizdiń 2023 jyldan 2026 jylǵa deıin «Grand Slam» jarystaryn ótkizý quqyǵyn alýy dzıýdo federasııasynyń orasan zor jetistigi jáne halyqaralyq týrnırlerde Qazaqstan týyn as­qaq­­tatyp, laıyqty óner kórse­tetin barlyq sportshynyń ortaq jeńisi ekenin atap ótti.

«Marıýs Vızer myrzaǵa bizge senim artqany úshin alǵys bil­diremiz. «Grand Slam»-degi al­ǵashqy qadam bizdi dzıýdo otbasyna odan ári jaqyndata túsedi degen senimdemiz. Jer-jahannyń eń úzdik dzıýdoshylary bas qosatyn álemdik jarysta sportshylar Qazaqstandy jaqsy tanyp-bilý úshin týrnırdi jyldyń qolaıly ýaqytynda ótkizemiz. Biz óz tara­pymyzdan jarysty joǵary deń­geıde uıymdastyrýǵa bar kúsh-ji­gerimizdi salamyz. Eki fe­de­­rasııa arasyndaǵy bul ynty­maq­tastyq ulttyq jáne ha­lyq­aralyq deńgeıde odan ári ósýge kómek­tesedi», dedi Qýanyshbek Ese­keev.

Aıta keteıik, «Grand Slam» («Úlken dýlyǵa») – Halyqaralyq jarys kúntizbesine sáıkes «IJF World Tour» aıasynda ótkiziletin álemdik jarystar serııasy sana­tyna enedi. IJF erejesi boıyn­sha, jarys jeńimpazy men júlde­ger­­lerine álem jáne Olımpıada reı­­tıngterine upaı qosylady. Atap aıtqanda, 1-orynǵa – 1000, 2-orynǵa – 700, al 3-orynǵa 500 upaı­dan beriledi.

Bıyldan bastap elimizde uıym­­­dastyrylatyn «Qazaqstan barysy Grand Slam» jarysynda dzıýdoshylar 2024 jyly Parıjde alaýy tutanatyn jáne 2028 jyly Los-And­jeleste ótetin jazǵy Olım­pııa oıyndaryna upaı jınaıdy.

Aıta ketý kerek, Parıjdegi «Grand Slam» jarysynda Qazaq­stan dzıýdoshylary eki medal je­ńip aldy. Portýgalııadaǵy Gran-prıde top jarǵan asa jeńil sal­maqtaǵy (48 kg) Ábıba Ábý­jaqynova bul joly qola júl­deni qanaǵat tutty. Ulttyq qurama kósh­­basshysy irikteý saıy­syn­da jarys qojaıyny Me­lanı Vıeýdi utqanymen, keıingi ke­­zeń­de ıspanııalyq Lapýerta Ko­mas Mıreııadan jeńilip qal­dy. Al ju­banysh beldesýinde japo­nııalyq Rına Tasýkavany taza ádispen jeńip, qola júlde úshin ótken beldesýde koreıalyq Lı Hıo­kıonnen basym tústi.

Sonymen qatar erler ara­syn­­daǵy 73 kg salmaqta bel­­­des­­­ken jerlesimiz Danııar Sham­­­­shaev ta Parıjdegi dodada úshin­shi orynǵa taban tiredi. Otan­­da­sy­myz «A» tobyndaǵy al­ǵash­­qy bel­desýlerinde brazı­lııa­­lyq Maıkl Marselıno men fran­sııa­lyq Danııl Zýbkony jeń­­geni­men, keıingi aınalymda Olım­pıa­­danyń barlyq medaline qol jet­kizgen grýzııalyq Lasha Shav­datýashvılıge ese jiberdi. Al ju­banysh kezdesýinde taǵy bir ta­tamı ıesi Djoan-Bendjamın Ga­­­banyń osal tusyn tapsa, she­shý­­shi beldesýde kanadalyq Artýr Mar­­­ge­lıdonnan aılasyn asyryp, el qor­­­jynyna ekinshi qola júl­deni saldy.

Parıjdegi jyldyń alǵashqy «Grand Slam» jarysynda álemniń 82 elinen kelgen 520 sportshy baq synady.