Áleýmettik kodeks jobasy tanystyryldy

Senattyń Áleýmettik-máde­nı damý jáne ǵylym komı­­teti­niń tóraǵasy Nurtóre Júsiptiń aıtýynsha, Áleý­mettik kodeks – bul eldegi áleýmet­tik saıasatty jaqsartý jolyn­daǵy taǵy bir qadam bolyp otyr. Senator qu­jatta halyq­aralyq deńgeıde mo­ıyn­­dalǵan jáne belgilengen ja­ńa­lyqtar jazylǵanyn atap ótti.

«Áleýmettik kodeks jobasyn­da ana men balany ulttyq demo­grafııalyq saıasattyń faktory retinde qoldaý tetikteri, eńbek naryǵyn damytýdy uıymdas­tyrý jáne jumysqa ornalasý­ǵa kómek kórsetý, az qamtyl­ǵan otbasylardyń materıaldyq ál-aýqatyn art­tyrýǵa kómektesý, arnaýly áleý­mettik qyzmetter júıesin jetildirý, múgedektigi bar adamdardy áleýmettik qorǵaý jáne t.b. boıynsha jańa sharalar kózdelgen», dedi senator.

Eńbek jáne halyqty áleýmet­tik qorǵaý mınıstri Tamara Dúı­­senova tanystyrý kezinde kodekstegi negizgi jańalyqtar týraly parlamentshilerdi habardar etti. Olardyń qatarynda áleýmettik qyzmet kórsetý júıesin ózgertý, memlekettik qoldaýdyń jańa túrleri, áleý­mettik saqtandyrý men zeınet­aqylardyń jaqsartylǵan jú­ıesi jáne basqalary bar.

Tanystyrý barysynda qatysý­shylar qazirgi ýaqytta ıkem­di jumyspen qamtý, jas jumys kúshiniń kóbeıýi, áleý­mettik qamsyzdandyrý júıesi­ne ózin-ózi jumyspen qamty­ǵan­dardyń tolyq qatyspaý máseleleri bar ekenin atap ótti.

«Taǵy bir mańyzdy ózgeris – 2025 jyldan bastap ataýly áleýmettik kómek taǵaıyndaý úshin kedeılik shegi eń tómengi kúnkóris deńgeıiniń ornyna medıandyq tabys deńgeıi ar­qyly anyqtalady», dedi Tamara Dúısenova.

Mınıstrlik basshysy bul máselelerdi sheshý úshin kodeks­te eńbek naryǵyn yryqtandyrý tetikteri, jumys kúshiniń táji­rıbe-daǵdysyn arttyrý, son­daı-aq jumys istep turǵan jumys­pen qamtý ortalyqtaryn mobıldi ortalyqtarǵa aınaldyrý usynylǵanyn habarlady.

Jalpy alǵanda kodeks jobasynda Qazaqstannyń áleýmet­tik salasyn nyǵaıtý men damytý úshin bazalyq jaǵdaılar jasaýǵa baǵyttalǵan 50-den astam zańǵa ózgeris pen tolyq­tyrý kózdelgen.