Pavlodarda esirtki qylmysyna qarsy is-qımyl bólimshesiniń qyzmetkerleri esirtki tasýmen aınalysqan 45 jastaǵy áıeldi ustady, dep habarlaıdy Egemen.kz IIM baspasóz qyzmetine silteme jasap.
Ol bas bostandyǵynan aıyrý ornynda otyrǵan jubaıyna sıntetıkalyq zattary bar qorapshalardy berýge tyrysqan.
– Jedel-izdestirý is-sharalary barysynda polıseıler áıeldiń sybaılasymen birge oblys ortalyǵynyń aýmaǵynda sıntetıkalyq esirtki oramalaryn daıyndaǵanyn anyqtady. Kúdiktiler esirtki zattaryn zańsyz satqan ınternet-dúkende jumys istegen, – dedi Pavlodar oblysy PD bastyǵynyń orynbasary Bolat Nurseıitov.
Polıseıler áıeldiń 35 jastaǵy sybaılasyn da qolǵa túsirdi. Aldyn ala málimetter boıynsha, áıel kýrer bolǵan jáne esirtkiniń úlken partııalaryn kishigirim partııalarǵa bólip, jasyryn oryndarǵa qoıyp ketip otyrǵan.
Tintý is-sharalaryn júrgizý barysynda, jaldamaly páterde jedel qyzmetkerler 25 jıyntyqty taýyp, tárkiledi. Saraptama qorytyndysy boıynsha, jalpy salmaǵy 50 gramnan asatyn sıntetıkalyq esirtki, sondaı-aq elektrondy tarazylar, oraý materıaldary, bank kartalary jáne birneshe uıaly telefondar bolǵan.
Atalǵan derek QR QK-niń 297-baby 1-bóligi boıynsha sotqa deıingi tergep-tekserý júrgizilip jatyr. Kúdiktilerge qatysty qamaýǵa alý túrindegi bultartpaý sharasy taǵaıyndaldy.
Jibek Qulambaeva Túrkııadaǵy jarysta jeńimpaz atandy
Tennıs • Keshe
UQShU elderi keshendi oqý-jattyǵý ótkizedi
Oqıǵa • Keshe
Rım Papasy aýrýhanadan shyǵaryldy
Álem • Keshe
Uqsas jańalyqtar
