Qoǵam • 08 Aqpan, 2023

Dımash Qudaıbergen Túrkııaǵa qarjylaı qoldaý kórsetedi

170 ret kórsetildi

Belgili ánshi Dımash Qudaıbergen baýyrlas túrik eline kóńil aıtty, dep habarlaıdy Egemen.kz.

«Qazaq halqyna baýyrlas Túrkııa, Sırııa jáne basqa da memleketterde bolyp jatqan apatty jaǵdaılardy estidim. Bul jańalyqty kúızelispen qabyldap otyrmyz. Opat bolǵan adamdardyń jaqyndaryna qaıǵyra kóńil aıtamyz. Zardap shekken jandardyń saýyǵyp ketýin tileımiz», dedi Dımash Qudaıbergen.

Sondaı-aq ol jeke án keshinen túsken qarjynyń bir bóligin qaıyrymdylyqqa jumsaıtynyn aıtty.

«Osy tusta álem boıynsha ótkizilip jatqan án keshterimnen túsken qarajattyń bir bóligin tabıǵı apattan zardap shekken otbasylarǵa kómek retinde aýdaramyn. Komandama tapsyrma berdim. Ár otbasyǵa amanshylyq tiledim. Aspanymyz ashyq, álem atty ortaq úıimiz apat pen zilzaladan aman bolsyn», dep túrki halqynyń qaıǵysyna ortaqtasty.

 

Gúlshahra SANSYZBAI

Uqsas jańalyqtar