Bıyl 37 márte jalaýy jelbiregen halyqaralyq Ishtvan Bochkaı atyndaǵy týrnırde Qazaqstan quramasynyń 13 bylǵary qolǵap sheberi bas júlde úshin synǵa túsip jatyr. Atap aıtqanda, Majarstan sharshy alańynda 2021 jylǵy álem chempıony Temirtas Júsipov (48 kg), Serbııadaǵy álemdik dodanyń kúmis júldegeri Serik Temirjanov (57 kg), 2021 jylǵy Qazaqstan chempıony, áskerıler arasyndaǵy álem birinshiliginiń kúmis júldegeri Damır Ábdiqadyr (51 kg), jastar arasyndaǵy Azııa birinshiliginiń jeńimpazdary, halyqaralyq týrnırdiń júldegerleri aǵaıyndy – Samatáli (60) men Sanatáli Tóltaevtar (63,5 kg), Azııa birinshiliginiń qola júldegeri Nurbek (80 kg) pen Azııa chempıony Aıbek Oralbaılar (92 kg) el namysyn qorǵap jatyr.
Sondaı-aq birneshe elishilik jáne halyqaralyq jarystardyń jeńimpaz-júldegerleri Dáýlet Moldashev (54 kg), Dýlat Bekbaýov (67 kg), Ermahan Jaqpekov (71 kg), Aıatýlla Tákejanov (75), Shaımurat Qusaıynov (86 kg) jáne Damır Toıbaı (+92 kg) Majarstan sharshy alańynda baq synaıdy.
