Búgin Senat Spıkeri Máýlen Áshimbaevtyń tóraǵalyǵymen Palata otyrysy ótti. Onda depýtattar birqatar zańdy qarap, maquldady, dep habarlaıdy Egemen.kz Parlament Senatynyń baspasóz qyzmetine silteme jasap.
Otyrys barysynda senatorlar «Kedendik ákelý bajdarynyń (balama qoldanylatyn ózge de bajdar, salyqtar men alymdar) somalaryn esepke jatqyzý jáne bólý, olardy Eýrazııalyq ekonomıkalyq odaqqa múshe memleketter bıýdjetteriniń kirisine aýdarý tártibin saqtaý máseleleri boıynsha birlesken baqylaý is-sharalaryn ótkizý týraly kelisimdi ratıfıkasııalaý týraly» zańdy qarap, maquldady.
Bul zań EAEO-ǵa múshe memleketterdiń ýákiletti organdarynyń Eýrazııalyq ekonomıkalyq odaqta kedendik ákelý bajdarynyń somalaryn esepke alý jáne bólý tártibin saqtaýyn, bıýdjet qarajatynyń zańdylyǵy men ýaqtyly qozǵalysyn baqylaýdy qamtamasyz etýge arnalǵan. Osy rette EAEO qyzmetiniń negizgi retteýshi tetikteriniń biri retinde kedendik ákelý bajdarynyń somalaryn esepke alý jáne bólý tártibin jetildirý basty mindetterdiń biri ekenin atap ótken jón.
Sonymen qatar otyrys kezinde «Qazaqstan Respýblıkasy men Fransýz Respýblıkasy arasyndaǵy qylmystyq ister boıynsha ózara quqyqtyq kómek týraly shartty ratıfıkasııalaý týraly» zań maquldandy. Bul zań qylmystyq quqyq buzýshylyqtarǵa qatysty rásimderde barynsha jáne ózara quqyqtyq kómek kórsetýdi, eki eldiń qylmysqa qarsy kúrestegi yntymaqtastyǵynyń tıimdiligin arttyrýdy kózdeıdi.
«Maquldanǵan zań Qazaqstan men Fransııa arasynda qylmystyq ister boıynsha ózara yntymaqtastyqty nyǵaıtý úshin quqyqtyq negiz qalyptastyrady. Soǵan sáıkes Shartta eki eldiń ýákiletti organdary arasynda quqyqtyq kómek kórsetý tártibi aıqyndalǵan. О́zge eldermen osy sıpattaǵy sharttardy jasasý qylmysqa qarsy kúrestiń tıimdiligin arttyra túsedi dep senemiz», dedi Máýlen Áshimbaev.
Odan bólek, Senat depýtattary «Qazaqstan Respýblıkasy men О́zbekstan Respýblıkasy arasyndaǵy bas bostandyǵynan aıyrýǵa sottalǵan adamdardy jazasyn odan ápi óteý úshin berý týraly shartty ratıfıkasııalaý týraly» zańdy qarap, maquldady.
Bul sharttyń maqsaty – sottalǵandardyń jazasyn óz elderinde óteýine, túzelip, qoǵamdyq ómirge qaıta beıimdelýine járdemdesý. Senat Tóraǵasy atap ótkendeı, zań baýyrlas eki el arasynda quqyq qorǵaý salasyndaǵy seriktestikti odan ári nyǵaıtýǵa múmkindik beredi.
Almatyda 105 myń turǵyn kólik salyǵyn tólemegen
Qoǵam • Búgin, 13:10
Álıhan Smaıylov alda atqaratyn jumystar jaıynda aıtty
Úkimet • Búgin, 12:55
Túrkistanda joǵalǵan qyzdyń máıiti tabyldy
Oqıǵa • Búgin, 12:43
«QazFerroStal» JShS basshysy 10 jylǵa sottaldy
Qoǵam • Búgin, 12:32
Qazaqstanda 3D prınterler óndirisi iske qosylady
Ǵylym • Búgin, 12:27
Aqtóbede jańadan salynǵan SMART-CENTRE ǵımaratynda Saǵı Jıenbaevtyń portreti salynady
Mádenıet • Búgin, 12:12
Uqsas jańalyqtar
