Elimizdiń birqatar óńiri seısmıkalyq qaýipti aımaqta tur

Seısmologııa ınstıtýty dırektorynyń ǵylym jónindegi orynbasary Nursársen О́zbekovtiń aıtýynsha, elimizdiń birqatar óńiri seısmıkalyq qaýipti aımaqta tur. 

«Shyǵys Qazaqstan oblysynan bastap, Qyzylorda oblysyna deıin jerasty dúmpýleri 7-9 ballǵa deıin jetýi múmkin seısmıkalyq qaýipti jerler bar. Ásirese Almaty oblysy bul jaǵynan Ortalyq Azııadaǵy óte qaýipti aımaqta ornalasqan. Buryn bul jerde kúshti joıqyn jer silkinisi birneshe ret bolǵan. Máselen, 1887 jylǵy Vernyı jer silkinisin jáne 1911 jylǵy Kemın jer silkinisin aıtýǵa bolady», dedi ol. 

Sondaı-aq ınstıtýt mamandary qazir elimizdiń seısmıkalyq qaýiptilik kartasyn ázirlep jatyr. Seısmıkalyq aýdandaý, aımaqtarǵa bólý dep atalatyn kartalarda munda seısmıkalyq qaýipti, seısmıkalyq belsendi aımaqtardyń seısmıkalyq áleýetiniń kórsetkishi  de kórsetiledi. Sonymen qatar basqa kartalar da qurastyrylǵan, onyń ishinde eldi mekender úshin jasalǵan kartalar bar.   Bul rette, Almaty qalasy  úshin  seısmıkalyq mıkroaımaqtandyrý kartasy ázirlendi.

Nursársen О́zbekovtyń aıtýynsha, sońǵy bes jylda Qazaqstan aýmaǵynda seısmıkalyq aspaptarmen 40 myńǵa jýyq jer silkinisi tirkeldi. Bul - geologııalyq aımaqtyń seısmıkalyq kórinistegi ómiri.

Aıta keteıik, sońǵy bes jylda Qazaqstan aýmaǵynda 66 seısmıkalyq oqıǵa tirkeldi. 2018 jyly – 20, 2019 jyly – 11, 2020 jyly – 15, 2021 jyly – 11, 2022 jyly – 9. Almatyda aıqyn sezilgen sońǵy jer silkinisi 2022 jyldyń 28 jeltoqsanynda Almatydan 190 shaqyrym jerde Qyrǵyzstan men Qytaıdyń shekaralas jerinde boldy.