Sol dańqty veloshabandoz Qazaqstan velokomandasy sapyndaǵy alǵashqy jarysyn 10 aqpanda ótetin birkúndik «Maskat Klassıka», 11-13 aqpan aralyǵyna josparlanǵan «Oman týrynan» bastamaq. Atalǵan jarysta Mark Kavendıshten bólek, Azııa oıyndarynyń úsh dúrkin jeńimpazy, dál osy «Oman týrynda» 2018, 2019 jyldary qatarynan eki ret top jarǵan jerlesimiz Alekseı Lýsenko, Evgenıı Fedorov, sonymen qatar Manýele Boaro (Italııa), Harold Tehada (Kolýmbııa), Martın Laas (Estonııa), Leonardo Basso (Italııa) óner kórsetedi.
2010 jyldan beri velosportshylardyń halyqaralyq kúntizbesine engen «Oman týry» alty kezeńge jalǵasady. Onyń alǵashqy eki kezeńi jekeleı jarystan, qalǵan tórt kezeńi taýly jáne sprınterlik kezeńderden turady. Jarys jeńimpazy eń sońǵy taýly kezeńde anyqtalady.
