Oral Aqsholaqov 170-ten astam ǵylymı qoljazbanyń, sondaı-aq Qazaqstan munaı ensıklopedııasynyń eki basylymynyń avtory. Sonymen qatar, Prorva, Martyshı, Qamyshtytovy, Jańajol, Jetibaı, О́zen, Tasbolat, Keńqııaq, О́riktaý, Qarashyǵanaq jáne t.b. birqatar munaı-gaz ken oryndaryn ashqan ǵalym.
Oral Aqsholaquly Aqsholaqov 1936 jyly 16 maýsymda Atyraý qalasynda dúnıege kelgen. 1958 jyly Gýbkın atyndaǵy Máskeý munaı ınstıtýtyn geolog mamandyǵy boıynsha bitirgen.
1976 jyly «Kaspıı oıpatynyń ońtústik bóligindegi munaı-gaz ken oryndarynyń geologııalyq qurylymy men ornalasýynyń erekshelikteri» taqyrybynda kandıdattyq dıssertasııasyn qorǵady.
Eńbek jolyn 1958 jyly Batys Qazaqstan geologııalyq basqarmasy men Gýrev keshendi aýmaqtyq munaı jáne gaz barlaý ekspedısııasynyń kollektory bolyp bastady. Birneshe jyl geologııalyq ekspedısııalarda jumys istedi.
1992-1994 jyldary - Qazaqstan Geologııa jáne jer qoınaýyn qorǵaý mınıstrliginiń bas munaı-gaz basqarmasynyń bastyǵy. 1994 jyldan 1998 jylǵa deıin «QazMemlekettik» RMK mıneraldyq resýrstar bas basqarmasy bastyǵynyń orynbasary boldy. Odan keıin birneshe jyl «Stepnoı Leopard» birlesken kásipornynyń bas dırektory, «Taý-ken jáne ekonomıkalyq konsaltıng» JShS bas mamany qyzmetterin atqardy.
2003 jyldan bastap Marabaev atyndaǵy «Munaıshy» qoǵamdyq qorynyń quryltaıshysy jáne Qamqorshylyq keńesiniń múshesi boldy.
