foto: QR TJM
TJM habarlaǵandaı, qazirgi ýaqytta Qazaqstan qutqarýshylary izdeý-qutqarý jumystaryn jalǵastyryp jatyr.
Qutqarýshylardyń bir toby toǵyz qabatty ǵımaratta jumys istep jatyr. Ǵımarat tolyǵymen qıraǵan. Úıindilerdiń arasynan adamdardy izdeý jumystary jalǵastyrylyp jatyr. Bul jerde úıindilerdiń astynan 4 adam qutqaryldy, qaza tapqan 22 adamnyń denesi shyǵaryldy.
Qutqarýshylardyń basqa toby alty qabatty ǵımaratta jumys júrgizip jatyr. Ǵımarat tolyǵymen qıraǵan. Úıindilerdiń arasynan adamdardy izdeý jumystary júrgizilip, qaıtys bolǵan 24 adamnyń denesi shyǵaryldy.
Qazaqstan TJM Apattar medısınasy ortalyǵynyń dárigerleri zardap shekken adamdarǵa táýlik boıy alǵashqy medısınalyq kómek kórsetip jatyr. Kúnine orta eseppen 35-ten astam zardap shekken adam medısınalyq kómekke júginedi. Olardyń ishinde stresstiń jedel reaksııasymen, tynys alý joldarynyń aýrýlarymen, sondaı-aq ártúrli jaraqattarmen baılanysty aýrýlar basym.
