Komıtet usynǵan derekterge sáıkes, bıyl elimizdiń 520 kolledji memlekettik attestattaýdan ótedi. Baqylaý is-sharalary bastalar aldynda olardyń árqaısysynda aqparattyq-túsindirý jumystary júrgizildi.
«Memlekettik attestattaýdy ótkizý lısenzııasyz bilim berý qyzmetimen aınalysatyn kolledjderdi anyqtaýǵa yqpal etti. Bul - Qostanaı oblysynyń Denısov kásiptik-tehnıkalyq kolledji, Qaraǵandy oblysynyń A.Mýsın atyndaǵy Balqash gýmanıtarlyq-tehnıkalyq kolledji, Qaraǵandy joǵary gýmanıtarlyq kolledji, Temirtaý joǵary polıtehnıkalyq kolledji, Aqtóbe gýmanıtarlyq-tehnıkalyq kolledji», dep naqtylady komıtet tóraǵasy Ernur Daýenov.
Sonymen qatar 315 tehnıkalyq jáne kásiptik bilim berý uıymdarynyń 198-i attestattaýdan ótpegen. Olardyń negizgileri Aqmola, Qaraǵandy, Batys Qazaqstan, Almaty, Qyzylorda, Pavlodar, Túrkistan oblystary men Jetisý oblystarynda ornalasqan.
Attestattaýdan ótpeýdiń negizgi sebepteri - TjKB uıymdary ázirleıtin bilim berý baǵdarlamalarynyń, oqytýshylardyń sapaly quramynyń MJMBS talaptaryna sáıkes kelmeýi.
Budan basqa, óndiristik oqytýdy josparlaý men ótkizýdegi, oqytý nátıjeleriniń jetistikterin baǵalaýdaǵy, erekshe bilim berý qajettilikteri bar bilim alýshylar úshin jeke oqý baǵdarlamalary men josparlaryn daıyndaýdaǵy buzýshylyqtar anyqtaldy.
Bul rette Astana jáne Almaty qalalarynyń, Soltústik Qazaqstan, Qostanaı, Atyraý oblystarynyń kolledjderi jaqsy nátıje kórsetip otyr.
