Álem • 14 Aqpan, 2023

Túrkııada toǵyz kún boıy úıindi astynda jatqan eki aǵaıyndy qutqaryldy

470 ret
kórsetildi
1 mın
oqý úshin

Túrkııanyń ońtústik-shyǵysyndaǵy Kahramanmaras provınsııasynyń Dýlkadıroglý aýdanynda jer silkinisinen 198 saǵat ótken soń eki aǵaıyndy úıindi astynan tabyldy, dep habarlaıdy Egemen.kz.

Túrkııada toǵyz kún boıy úıindi astynda jatqan eki aǵaıyndy qutqaryldy

Foto: Anadolu Agency

Jergilikti BAQ-tyń habarlaýynsha, búgin qıraǵan úılerdiń astynan 17 jastaǵy Mohammed Enes Ienınar men onyń 21 jastaǵy úlken aǵasy Bakı Ienınar shyǵaryldy. Olar aýrýhanaǵa jatqyzyldy.

Qutqarýshylar apat aımaǵynan aman qalǵandardy tabýdan úmitin úzbeıdi. Aqpannyń 12-si kúni túrik qutqarýshylary júrek tebirenterlik kadrlarmen bólisti. 140 saǵattaı úı qırandysynyń astynda jatqan 7 aılyq sábı aman-esen qutqaryldy.

11 aqpanda Túrkııanyń Adıama qalasynda jer silkinisi bolǵannan keıin 114 saǵat ótken soń úıindi astynan 10 jastaǵy bala shyǵaryldy.