Osy tekserý barysynda 427 nysanda Tehnıkalyq retteý, akkredıtteý jáne ólshem birligin qamtamasyz etý salasyndaǵy zańnamanyń óreskel buzylǵany anyqtaldy. Iаǵnı nysandardaǵy zańsyzdyq úlesi 85 paıyzdy quraǵan.
«Profılaktıkalyq baqylaý júrgizý barysynda ónimdi ótkizý satysynda tehnıkalyq retteý salasyndaǵy zań buzýshylyqtar anyqtaldy. Atap aıtqanda, keıbir kásipkerlik sýbektileri tehnıkalyq reglamentterdiń talaptaryna sáıkes kelmeıtin ónimderdi satyp kelgen. Zańda kórsetilgen talapqa baǵynbaý negizinen ónimdi tańbalaý jónindegi talaptardy saqtamaý, qazaq jáne orys tilderinde aqparattyń bolmaýy, EAS belgisiniń bolmaýy, sondaı-aq sáıkestikti baǵalaý týraly qujatsyz júrgizilgen. Mundaı keleńsizdikter «Sulpak» saýda úıi, «Tehnodom», «Mechta» saýda úılerine, «Arena S», «Kompas», «Novaıa AZS», «DIN», «Komfort», «STıK», «Kaztranskargo», «Arımaks» jaýapkershiligi shekteýli seriktestikteri men basqa da nysandarǵa qatysty bolyp otyr», deıdi Tehnıkalyq retteý jáne metrologııa komıtetiniń Almaty qalalyq departamentiniń basshysy Saýyqbek Qapaev.
Sondaı-aq ótken jyly departament atyna ónimniń TR jáne NQA talaptaryna sáıkestigine qatysty kóptegen hat pen ótinish kelip túsken. Mysaly, «Qazaqstan avtohımııasyn óndirýshiler men tutynýshylar qaýymdastyǵynyń ótinishi boıynsha tehnıkalyq reglamentter men normatıvtik-quqyqtyq aktilerde belgilengen talaptarǵa sáıkes kelmeıtin kólik quraldaryna qajetti salqyndatqysh suıyqtyqtardy aınalymǵa shyǵarǵany úshin 7 ákimshilik is qozǵaldy.
Budan bólek, janar-jaǵarmaı quıý stansalarynda benzın quıatyn qurylǵylardyń aqaýyn anyqtaý boıynsha talap buzý faktileri anyqtaldy, ıaǵnı aqaýly qurylǵylar ár 20 lıtrge 170-ten 250 ml-ge deıin janarmaıdy jetkizbeı quıyp kelgen. Taǵy bir mysal, iri sút ónimderin satýshynyń biri saýda núktesindegi taýardy belgilengen tártippen salystyryp-tekserilmegen tarazylarda ólshep satqany anyqtaldy. Satýshyǵa 1600 AEK mólsherinde ákimshilik aıyppul salynǵan, bul – 4 900 000 teńge.
ALMATY
