Kezdesýdi asha otyryp, ınstıtýt dırektory elimizdiń óńirlerinde bilikti mamandar jumys isteıtinin atap ótti. Onyń aıtýynsha, jergilikti sarapshy óńirdegi ahýaldy tolyq sıpattaýǵa múmkindik beretin máselelerdi biledi. QSZI áleýmettik kóńil kúıdi baqylaý úshin turaqty negizde zertteýler júrgizip otyrady. Alaıda Instıtýttyń óńirdegi turaqty ókiliniń bolýy shuǵyl aqparat alýǵa jáne taldaýǵa múmkindik beredi.
«Qazirgi tańda aımaqtardy zertteý mańyzdy. Sapaly taldaý durys sheshim qabyldaýǵa múmkindik beredi. Batys Qazaqstanda ózekti máseleler bar. Olardyń sheshý joldaryn tabý kerek. Durys ıdeıalar halyq arasynda týady. Halyqtyń jaǵdaıyn biletin sarapshylar kerek. Zamanaýı zertteýlerdi kabınette emes, aımaqtarda júrgizý qajet», dedi ınstıtýt dırektory.
Onyń aıtýynsha, QSZI óńirlerde áleýmettik kóńil kúıdi baqylaý úshin únemi monıtorıng júrgizip otyrady.
«Biz shıelenis núkteleriniń qaı jerde paıda bolatynyn kórip, problemalardyń aldyn alý boıynsha taldaý jasap, týyndaǵan máselelerdi sheshý úshin óz usynystarymyzdy beremiz. Qyzmetkerlerimiz zertteý jumystaryn júrgizý úshin túrli aımaqtarǵa baryp turady. Áleýmettanýlyq ekspedısııalardyń qorytyndysy boıynsha oblystardyń jaǵdaıy týraly esepter men jazbalar daıyndaıdy. Bul jumystyń tıimdi ekenin kórip, ádistememizdi respýblıkalyq deńgeıde keńeıtýdi jón kórdik. Bul QSZI-ǵa «udaıy daıyndyqta» bolýǵa jáne el basshylyǵyna jergilikti deńgeıdegi máselelerdiń sheshimderin ýaqtyly usynýǵa múmkindik beredi», dedi E.Tuqymov.
Jalpy, mundaı zertteýlerdi júrgizý úshin óńirlerde QSZI ókilderi bolýy qajet. Máselen, jergilikti sarapshy jaǵdaı týraly habardar jáne memlekettik organdardyń is-sharalaryna tikeleı qatysa alady. Jaǵdaıǵa qanyq sarapshynyń taldaýy Batys Qazaqstanda bolyp jatqan úderisterdi egjeı-tegjeıli zerdeleýge múmkindik beredi.
Jubanov ýnıversıtetimen birlesip júzege asyrylyp jatqan bul shara QSZI-dyń alǵashqy tájirıbesi. 30 jyldyq mereıtoıy qarsańynda QSZI yntymaqtastyqtyń jańa deńgeıine kóterilýde. QSZI men Jubanov ýnıversıtetiniń kadrlyq áleýeti men resýrstaryn biriktirý aımaqtyq zertteýlerge serpin beredi. Aqtóbege jumys sapar aıasynda, sonymen qatar «QSZI GPS. Gylym. Pikir. Sayasat» saraptama alańynyń «Aımaqtyq zertteý: QSZI jáne ýnıversıtet yntymaqtastyǵy» taqyrybynda kezekti otyrysy ótti.
