Jańa ákim taǵaıyndaldy

Qostanaı qalasynyń ákimi aýysty. Oblys ákimi Nuraly Sá­dýa­qasov Qostanaı qalasynyń máslıhaty depýtattarynyń kelisi­mimen qala ákimi etip Ahmedbek Ahmetjanovty taǵaıyndady. Ahmedbek Masaqbaıuly osyǵan deıin oblys ortalyǵynyń irge­sindegi Qostanaı aýdanyn bas­qarǵan bolatyn. Aýdan kórset­kishteri boıynsha oblys aýdandary arasynda aldyńǵy qatardan kórinip keledi. Ol ózine bildirgen senim úshin rahmet aıtty jáne qala aktıvimen til tabysa otyryp, ómirlik bastamalardy birge júzege asyrý úshin bilimi men biligin aıamaı qyzmet etetinine sendirdi. Qostanaı qalasynyń burynǵy ákimi Ǵaýez Nurmaǵambetov Qazaq­stan Respýblıkasy Prezıdenti Ákim­shiliginiń ınspektory qyz­me­tine taǵaıyndaldy. Ol qala ákimi bolǵan kezde Qostanaıdy kór­keıtýde úlken jumystar atqaryldy. – Oblys ortalyǵy – kúrdeli mehanızm, ony Ǵaýez Torsanuly abyroıly basqardy, – dep atap ótti oblys ákimi. Al Qostanaı aýdanynyń tizginin Táýba Isabaev ustady. Ol onshaqty jyl oblys ákimi apparaty jetekshisiniń orynbasary bolyp istegen. Názıra JÁRIMBETOVA, «Egemen Qazaqstan». QOSTANAI.