Standart fermerlik úlgidegi jylyjaılarǵa standarttalǵan talaptardy belgileý maqsatynda №12 «Jylyjaı keshenin salý jáne keńeıtý» jobasynyń pasporty boıynsha «Investısııalyq salymdar kezinde agroónerkásiptik keshen sýbektisindegi shyǵystardyń bir bóligin óteý boıynsha sýbsıdııalaý qaǵıdalaryn bekitý týraly» Qazaqstan Respýblıkasy Aýyl sharýashylyǵy mınıstriniń 2018 jylǵy 23 shildedegi № 317 buıryǵyn iske asyrý úshin ázirlenedi.
Otyrysqa Aýyl sharýashylyǵy mınıstrliginiń, Qazaqstan jylyjaılary men fermerler qaýymdastyǵynyń, jylyjaı tehnologııalarynyń ókilderi, sondaı-aq respýblıkanyń iri zamanaýı jylyjaılarynyń basshylary qatysty.
Keńes barysynda jumys tobynyń qatysýshylary respýblıkanyń jylyjaı salasyndaǵy qazirgi ahýalyn talqylady, ónerkásiptik jáne fermerlik jylyjaılar uǵymdaryn, sondaı-aq 500-1000 m2 deıin aýdandaǵy fermerlik jylyjaılarǵa, jylyjaı keshenderin jabý materıaly men jaraqtandyrýǵa qoıylatyn talaptardy naqtylady.
Jumys tobynyń qatysýshylarynan jylyjaı sharýashylyqtarynyń júıesi damyǵan kórshi elderdiń tájirıbesin zerdeleý, sondaı-aq salanyń qajettilikterin qanaǵattandyratyn jylyjaılarǵa arnalǵan standartty ázirleý maqsatynda Qazaqstannyń ońtústiginde ornalasqan jylyjaılarǵa barý jóninde usynystar tústi.
