Is-sharany ashqan Qazaqstan elshisi Gúlsara Arystanqulova jańa qaǵıdalarǵa sáıkes ótkiziletin Parlamenttiń tómengi palatasyna jáne jergilikti ókildi organdarǵa saılaýdyń negizgi aspektileri týraly aıtyp berdi. Parlamenttik saılaý Prezıdent Qasym-Jomart Toqaev bastaǵan elimizdiń saıası júıesin tereń jańǵyrtýǵa baǵyttalǵan reformalardyń qorytyndy kezeńi ekenine erekshe nazar aýdardy.
Qazaqstandyq dıplomat jańartylǵan Májilis neǵurlym ókildi jáne belsendi bolady, ol ózekti máseleler boıynsha syndarly pikirtalas júrgizetin alańǵa aınalady degen úmiti baryn aıtty.
Is-sharaǵa qatysýshylar aralas júıe boıynsha ótetin parlamenttik saılaýǵa shynaıy qyzyǵýshylyq tanytty. Olar ózin-ózi usynǵan kandıdattardyń, 30% kvota negizinde áıelderdiń, jastar men asa qajettilikteri bar azamattardyń básekege belsendi qatysýlaryn atap ótti.
Talqylaý barysynda sarapshylar táýelsiz úmitkerlerdiń saılaý naýqanyn qarjylandyrý, sondaı-aq bolashaqta jergilikti ókildi organnyń jańadan saılanǵan depýtattary men oblystardyń ákimderi arasyndaǵy ózara is-qımyldaryna qatysty suraqtar qoıdy.
