Jyl saıyn 20 myńǵa jýyq tilek bildirýshiler el azamattyǵyn alý máselesi boıynsha júginedi. Táýelsizdik jyldary bir mıllıonnan astam adam Qazaqstan azamattyǵyn aldy, al ótken jyly – 22 myń adam, onyń ishinde QR Prezıdentiniń Jarlyǵymen – 1375, jeńildetilgen tártippen – 20 myńnan astam adam azamattyqqa qol jetkizdi.
IIM BUU BJKB-nyń Qazaqstandaǵy ókildigimen jáne ÚEU-men birlesip eki jyl ishinde qujatsyz jáne azamattyǵy joq adamdardy anyqtaý jáne tirkeý boıynsha keń aýqymdy aksııa ótkizgen. Aksııa nátıjesinde azamattyǵy men qujattary joq 8 myńnan astam adam anyqtalǵan. Onyń ishinde 5 myń adam Qazaqstan azamattyǵyna jatatynyn rastady jáne jeke kýálikteri rásimdeldi. 3 myńnan astamyna azamattyǵy joq adamnyń kýáligi berilgen.
