«Sońǵy 30 jylda ǵalymdar sany eki ese qysqarǵan. 1991 jyly 40,8 myń adamnan 2021 jyly 22,6 myń adamǵa deıin azaıǵan. Ǵalymdar eńbekaqysynyń turaqsyz ári tómen deńgeıi – kadrlyq jáne ǵylymı áleýettiń negizgi problemalarynyń biri. Osynyń saldarynan ǵylym salasy tartymdylyǵynyń tómen bolý úrdisi saqtalyp otyr. Máselen, 2021 jyly ǵalymdardyń ortasha jalaqysy 187,7 myń teńgeni qurady. Bul Qazaqstandaǵy ortasha jalaqynyń 75%-yna teń», dep jazylǵan qaýly jobasynda.
Ǵalymdar sanynyń qysqarýyna turaqsyzdyqpen mardymsyz jalaqy áser etken.
«Máselen, sońǵy jyldary ǵylymǵa jastardyń aǵymy ǴZTKJ jumys isteıtin personaldyń jalpy sanynan 11%-dan 7%-ǵa deıin azaıǵan. Mundaı almastyrý dınamıkasy kadrlyq ǵylymı áleýetti jańǵyrtý úshin jetkiliksiz, sondyqtan kadrlardyń «qartaıýy» máselesi áli de ózekti», dep jazylǵan jobada.
О́kinishke qaraı, qoldanbaly ǵylymı-tehnıkalyq ázirlemeler men olardy iske asyratyn ǵalymdar sanynyń ósýine yqpal etetin tájirıbelik-konstrýktorlyq ázirlemelerdi iske asyrýǵa granttar joq jáne tehnıkalyq baǵyttar boıynsha mamandar tapshy. Sondyqtan qazir tehnıkalyq baǵyttar boıynsha kadrlar daıarlaýǵa basa nazar aýdarylyp, tehnıkalyq jáne IT baǵyttarǵa granttardy 40%-dan 60%-ǵa deıin ulǵaıtý boıynsha sharalar qabyldanyp jatyr.
