Temirtaýda «Kómir ónerkásibin dekarbonızasııalaý jáne ESG tehnologııalary» is-sharasy ótti. Qańtar aıynyń sońynda Qazaqstan Respýblıkasy ortalyq memlekettik organdarynyń, EO, EDRB, «Jasyl» akademııasynyń, ESG reıtıngtik agenttiginiń jáne «ArselorMıttal Temirtaý» AQ basshylary kómirtegin retteý jáne Qazaqstan Respýblıkasynyń kómirtek beıtaraptyǵy jetistikteriniń keleshegi máselelerin talqylaý úshin dóńgelek ústelge jınaldy.
«2013 jyldan bastap Qazaqstan «jasyl» ekonomıkaǵa jol bastady, bıylǵy jyldyń 2 aqpanynda Prezıdent Jarlyǵymen Qazaqstan Respýblıkasynyń kómirtegi beıtaraptyǵyna qol jetkizýge kóshý strategııasy bekitildi. Bul qujat eki jyl ázirlendi. Strategııanyń qabyldanýy, bir jaǵynan, Qazaqstannyń Parıj mindettemelerin oryndaýǵa daıyn ekendigin rastaý bolsa, ekinshi jaǵynan, bul - kúrdeli synaq. Strategııanyń el deńgeıinde qabyldanýy barlyq memlekettik baǵdarlamalardy, strategııalyq josparlaý júıelerin ESG qaǵıdattaryn, dekarbonızasııa jáne turaqty damý qaǵıdattaryn biriktirý turǵysynan qaıta qaraý kerek degendi bildiredi», deıdi Qazaqstan Respýblıkasy Prezıdentiniń janyndaǵy «jasyl» ekonomıka jónindegi keńes múshesi jáne «Jasyl Akademııa» dırektory Baqyt Esekına.
Dóńgelek ústeldi «ArselorMıttal Temirtaý» AQ qoldaýymen jáne QRIIDM, MEGPR, EO delegasııasynyń qatysýymen «Jasyl Akademııa» uıymdastyrdy. Negizgi mindetter – syndarly dıalog, halyqaralyq trendterdi talqylaý jáne el kásiporyndarynyń kómirteksizdendirýge daıyndyǵy. Bul tehnologııany engizýdiń ózektiligi jahandyq klımattyq úrdisterge baılanysty. Bul tehnologııany engizýdiń ózektiligi jahandyq klımattyq úrdisterge baılanysty. Qabyldanǵan Strategııa 2060 jylǵa deıin eseptelgen. Qujatta sońǵy 20 jylda Qazaqstanda ónerkásip óndirisiniń kólemi aıtarlyqtaı óskeni atap ótilgen. Bul úderister sáıkesinshe parnıktik gazdar shyǵaryndylaryn arttyrady. 2020 jylǵa qaraı ónerkásipte otynnyń janýynan bolǵan shyǵaryndylar 1990 jylǵy deńgeıden 144%-ǵa jetti. Qazaqstanda shyǵaryndylardyń 54 paıyzy metallýrgııaǵa tıesili.
- «ArselorMıttal Temirtaý» AQ Qazaqstan Respýblıkasynyń ónerkásibin dekarbonızasııalaý bastamasynda mańyzdy ról atqara alady. ArcelorMittal týraly aıtatyn bolsaq, biz bolat óndirý boıynsha TOP-10 álemdik kóshbasshylar qataryna kiretin kompanııalar toby týraly aıtyp otyrmyz. Al dekarbonızasııaǵa keletin bolsaq, ArselorMıttal jaqsy daǵdylarǵa ıe. Máselen, 2021 jyldyń 17 naýryzynda kompanııa tómendetilgen,tómen kómirtekti jáne nóldik kómirtekti bolat brendin shyǵardy. Sondaı-aq «jasyl» ınnovasııalardyń aýqymdy bastamalary men jobalaryna ıe», - dedi Qazaqstan Respýblıkasy Indýstrııa jáne ınfraqurylymdyq damý mınıstrligi Indýstrııalyq damý komıteti tóraǵasynyń orynbasary Turar Jolmaǵambetov.
Elimizdiń metallýrgııa ónerkásibindegi «ArselorMıttal Temirtaý» kompanııasynyń úlesi shamamen 30%-dy quraıdy.
«Qazaqstan Respýblıkasynyń Prezıdenti Qasym-Jomart Toqaev kómirtegi transformasııasyn jedeldetýdi tapsyrdy. Ekologııalyq jobalar kómirtegi beıtaraptyǵyna qol jetkizý kezeńderiniń biri bolyp tabylady. 2023 jyly «ArselorMıttal Temirtaý» shyǵaryndylar men kómirtegi izderin azaıtýǵa baǵyttalǵan birqatar jobany aıaqtaıdy. Bul JEO-PVS-taǵy №1 jáne JEO-2-degi №7 qazandyqtardy aýystyrý, koks-hımııa óndirisindegi jańa aspırasııalyq júıe, agloóndiristegi qap súzgiler, transformatorlardy aýystyrý sııaqty jobalar. Dekarbonızasııa úderisteri barlyǵyna jáne árkimge áser etedi. Árıne, kompanııanyń basty maqsaty men maqtanyshy – bizdiń adamdarymyz jáne jergilikti qaýymdastyqty damytý, kompanııa ornalasqan aımaqtarda ómir súrý deńgeıin kóterý», deıdi «ArselorMıttal Temirtaý» AQ bas dırektory Vladımır Iаblonskıı.
Ekologııa mınıstrliginiń ókilderi qujattar men esepter úlken qyzyǵýshylyq týdyratynyn jáne Úkimetke praktıkalyq usynystar berý úshin paıdaly bolatynyn atap ótti.
Is-shara sońynda «ArselorMıttal Temirtaý» AQ, QarIÝ jáne «Jasyl Akademııa» arasynda ózara yntymaqtastyq týraly memorandýmǵa qol qoıyldy.
