– Biz mundaı quqyqtyq norma arqyly barlyq taraptyń ózara jaýapkershiligin kúsheıtý mekteptegi oqý ádebıetiniń sapasyn arttyrýǵa oń áser etedi dep sanaımyz, – dedi ortalyq basshysy Eldos Nurlanov.
Eske sala keteıik, sońǵy úsh jylda Oqý-aǵartý mınıstrligi memlekettik saraptama rásimderiniń obektıvtiligin arttyrýǵa, sarapshylarǵa, avtorlarǵa jáne oqýlyqtarǵa qoıylatyn talaptardy naqtylaýǵa baǵyttalǵan birqatar zańnamalyq shara qabyldady.
2020 jyly saraptama júrgizý úderisi tolyǵymen qupııa rejimge aýystyryldy. Mınıstrlik saıtynda pdf jáne epub formatyndaǵy qaǵaz oqýlyqtardyń elektrondy nusqalary ashyq ornalastyrylyp, avtorlary kórsetilmeıtin boldy. Bul saraptamanyń ádildigi men ashyqtyǵyn qamtamasyz etedi. Sonymen qatar baspalarǵa ishki saraptama júrgizý, avtorlardyń oqý ádebıetterin ázirleýdiń ádisnamasy, olardy baǵalaý krıterııleri boıynsha oqytý kýrsynan ótkizý jaýapkershiligi júkteldi.
