Is-sharaǵa partııalyq tizimge engen kandıdattar jáne partııanyń atynan Májiliske usynylǵan birmandatty úmitkerler, shtab músheleri, partııanyń «Jastar rýhy» jastar qanatynyń belsendileri, partııa jaqtastary qatysty.
– Bizdiń baǵdarlama – qoǵamda ábden qaınap, pisip-jetilgen problemalardy sheshýdiń naqty joly, naqty jospary. О́tken jyldyń ózinde partııa óńirlerde, aýyl-aımaqta myńdaǵan kezdesý ótkizip, turǵyndardan 200 myńnan astam usynys-pikir jınaǵan bolatyn. Halyqty tolǵandyrǵan máselelerdi muqııat taldap, júıelendire kele 10 negizgi baǵyttan turatyn qujatty ázirledik. Odan árbir otandasymyz ózi úshin ózekti máselelerdiń jaýabyn taba alady, – dedi partııa tóraǵasy.
Ol ár oblystyń, qalanyń demografııalyq, áleýmettik jáne ekonomıkalyq ereksheligin eskere otyryp, 20 aımaqtyq saılaýaldy baǵdarlama ázirlengenin atap ótti. Sonymen qatar birmandatty okrýgter boıynsha saılaýǵa qatysatyn partııanyń árbir kandıdaty óziniń saılaýaldy baǵdarlamasyn ázirledi.
Aıta keteıik, shtab quramyna partııanyń 486 belsendi jaqtasy kirdi. О́ńirlik jáne aýmaqtyq 226 saılaýaldy shtabqa 7,5 myńǵa jýyq adam jumyldyrylady. Saılaýshylarmen kezdesý kestesi daıyndaldy. Bul jumysqa kandıdattardyń 27 myńnan astam senimdi ókili atsalysady.
Búginde partııanyń óńirlerdegi ókilderi aýyl-aýyldy aralap, partııany saılaýaldy baǵdarlamasynyń basym baǵyttarymen tanystyrýdy bastap ketti. «Amanat» partııasy aýyldy túletýge arnalǵan birqatar iri jobany iske asyryp jatqanyn atap ótken jón.
– 2027 jylǵa deıin agroónerkásip kesheninde 100 ınvestısııalyq joba júzege asyrylady. Onyń jalpy quny – 500 mıllıard teńge. Bes jylda aýyl ınfraqurylymyn jańartý úshin 1 trln teńge jumsalatyn bolady. Partııa bul jumysty qatań baqylaýda ustaıdy. Biz agrarlyq saladaǵy sýbsıdııa júıesiniń turaqtylyǵyn qamtamasyz etemiz. Qazir álem halqy azyq-túlik daǵdarysyn bastan keship otyr. Qazaqstannyń 100 mıllıon adamdy azyq-túlikpen qamtamasyz etýge múmkindigi bar. Eń áýeli halqymyz 100 paıyz otandyq ónimmen qamtamasyz etilýi kerek, – dedi E.Qoshanov.
