Jıynǵa partııa tóraǵasy Álı Bektaev, Parlament Májilisiniń, oblystyq, qalalyq jáne aýdandyq máslıhattardyń depýtattyǵyna partııalyq tizim jáne birmandatty okrýgter boıynsha saılaýǵa túsetin kandıdattar, aýyl sharýashylyǵy kooperatıvteri men aýyl turǵyndary qatysty.
Osylaısha, «Aýyl» partııasynyń úgit-nasıhat jumysy respýblıka kooperatıvterdiń sletinen bastaldy. Saıası dodanyń alǵashqy jumystarynyń Jambyl óńirinde tusaýy kesilýiniń ózindik syry bar. Partııa baǵdarlamasynyń, ustanymynyń negizi aýyldy qoldaý, damytý, aýyl turǵyndarynyń áleýmettik máselesin sheshý ekeni barshaǵa aıan. Atalǵan máselelerdi sheshýdiń bir joly – aýyl kooperatıvterin damytý. Bul rette Prezıdenttiń tapsyrmasymen Jambyl oblysynda iske asqan kooperatıvtik úlgi – Qazaqstandaǵy úzdikterdiń qatarynda. Jambyldyq kooperatıvter aınalasy eki-úsh jyl ishinde bul baǵytta oń nátıjege qol jetkizdi.
– «Aýyl» partııasynyń Parlament Májilisi tórindegi alǵashqy bastamasy aýyl sharýashylyǵy ónimin, shıkizatyn, azyq-túlik taýarlaryn óndirýshiler men bastapqy jáne tereń qaıta óńdeý kásiporyndary úshin salyqtardyń barlyq túrin (áleýmettik aýdarymdardan basqa) tolyq joıý ekenin atap ótken jón. Sondaı-aq fermerler men kooperatıvterdi aýyl sharýashylyǵy ónimderin satý máselesi alańdatpaýǵa tıis. Sondyqtan partııa birinshi kezekte kvazımemlekettik sektor uıymdary tarapynan kepildi satyp alý jáne ótkizý júıesin qurýǵa qol jetkizedi, – dedi partııa tóraǵasy Á.Bektaev.
Partııa tóraǵasy «Aýyl» partııasynyń aýyldyqtarǵa ǵana emes, qalalyqtarǵa da usynatyn kóptegen baǵyty bar ekenin atap ótti.
– Qýatty aýyl – eldiń senimdi tiregi. Azyq-túlik baǵasy sórelerde ǵana ósedi. Biz azyq-túlik naryǵynan artyq deldaldardy yǵystyrý úshin bar kúshimizdi salamyz. Egistikte ósirilgen jáne qaıta óńdeý kásiporyndarynda óndirilgen ónimder tikeleı sórelerge túsýi kerek. Fermerlerdi iri saýda ortalyqtaryna múmkindiginshe jaqyndatamyz, – dedi partııa tóraǵasy.
