Kandıdat ujymdy partııanyń saılaýaldy baǵdarlamasyn tanystyryp, sala mamandarynyń suraqtaryna jaýap berdi. «El úshin» Jer úshin! Bılik – Halyqqa!» atty partııanyń saılaýaldy baǵdarlamasynda taý-ken metallýrgııalyq keshenine qatysty birqatar ózekti másele qamtylǵan.
Atap aıtsaq, qarapaıym jumysshylardyń quqyn qorǵaý maqsatynda Kásipodaqtar týraly jańa zań ázirleý, tehnologııalardyń damýyna baılanysty jumystan qysqartylǵan adamdardy qoldaý, zııandy óndiris oryndarynda eńbek etetin jandardyń zeınet jasyn tómendetý máseleleri bar. Búginde el ekonomıkasyndaǵy Qazaqstannyń taý-ken metallýrgııa kesheni IJО́-niń shamamen 10 paıyzyn, ónerkásiptik óndiristiń jáne barlyq eksporttyń shamamen 25 paıyzyn quraıdy. Salada 200 myńnan astam jumysshy eńbek etedi. Qyzmetkerlerdiń 90 paıyzǵa jýyǵy kásipodaqtardan turady.
– Halyq partııasy – jaldamaly jumysshylar men ózin-ózi jumyspen qamtyǵandardyń quqyǵyn qorǵaıtyn jańa Eńbek kodeksin qalyptastyrý kerek. Biz kúshti jáne táýelsiz kásipodaqtar úshin jumys isteımiz. Biz kenshilerdiń, metallýrgterdiń, zııandy jáne qaýipti óndiristerdiń barlyq qyzmetkeriniń quqyqtaryn qorǵap, olardyń 50 jáne 55 jasta zeınetke shyǵýyn qoldaımyz. Biz yntymaqty-jınaqtaýshy zeınetaqy júıesin qalyptastyrý kerek dep esepteımiz, – dedi Aleksandr Mılıýtın.
Kezdesý barysynda spıker partııanyń basty maqsaty – eldiń bıligi men baılyǵy Qazaqstan halqyna tıesili bolatyn áleýmettik ádiletti qoǵam qurý ekenin aıryqsha atap ótti.
Kandıdattyń aıtýynsha, táýelsizdik alǵannan bergi paıyzǵa barlyq, onyń ishinde sheteldik ınvestorlarmen jasalǵan kelisimsharttyń talaptaryn qaıta qarap, kedeılikke qarsy zań qabyldaý kerek. «Biz osylaı ǵana halyqtyq Úkimet quryp, áleýmettik ádilettilik ornata alamyz», dedi A.Mılıýtın.
