Partııa lıderi Azat Perýashev, partııa tóraǵasynyń orynbasarlary Qazybek Isa men Berik Dúısenbınov, partııanyń jergilikti fılıalynyń jetekshisi Ermek Ábildın bastaǵan «Aq joldyń» úgit-nasıhat toby Qaraǵandy oblysyndaǵy kásipkerlermen jáne oblys jurtshylyǵymen kezdesýler ótkizdi.
– Qaraǵandy oblysynyń ereksheligi – iri bıznesten bólek, munda shaǵyn jáne orta kásipkerliktiń qarqyndy damýy erekshe kózge túsedi. О́kinishke qaraı, osy ýaqytqa deıin munda jumys istep jatqan iri sheteldik jer qoınaýyn paıdalanýshylar jergilikti kásipkerlerdiń múddesin eskermeı keldi. Odan bólek, atqarǵan jumys pen jetkizilgen ónimniń aqysy olarǵa jyldap tólenbeı keldi. Biz bul máseleni Májilis minberinen depýtattyq saýaldarymyzda birneshe ret kóterdik. Mundaı túıtkildi máseleler týraly shaǵymdar «Aq jolǵa» Temirtaýdaǵy bıznes ókilderinen kelip tústi. Byltyr Memleket basshysy usynǵan Konstıtýsııa reformasynyń aıasynda «Jer jáne jer qoınaýy halyqqa tıesili» degen basty normanyń engizilýi mańyzdy novella dep sanaımyz, dedi Azat Perýashev.
Kezdesýlerde «Aq jol» partııasynyń úgit-nasıhat toby jınalǵandardy partııanyń saılaýaldy baǵdarlamasymen tanystyrdy. Shaǵyn jáne orta bıznesti qoldaýǵa qatysty tarmaqtar kásipkerler tarapynan úlken qoldaýǵa ıe boldy. Mysaly, salyq organdarynyń sheshimimen mámilelerdi jaramsyz dep tanýǵa tyıym salý, shaǵyn bıznestiń salyq eseptiligin patentpen aýystyrý, taýarlarǵa ilespe júkqujat jáne taýarlardy tańbalaýdan bas tartý sekildi máseleler talqylandy.
Jıyn barysynda sóz alǵan jergilikti kásipkerler erkin ekonomıkaǵa jáne adal básekelestik jolyna kóshý, monopolııaǵa jol bermeý, memlekettiń bızneske aralasýyn shekteý qajettigi týraly aıtty. Jıyrmaǵa jýyq temirtaýlyq kásiporyn «Arselor Mıttaldyń» jergilikti taýar jetkizýshilerge qysym jasaýy, olardyń zańdy quqyqtaryn buzýy, oryndalǵan kelisimsharttar boıynsha tólemderdi kóp aıǵa keshiktirýi jáne taǵy basqa problemalardy málimdedi.
