Jemqorlyqpen kúres – jaýapty mindet

– Memlekettiń basqarý júıesiniń tıimsizdigine ákep soq­­­tyr­ǵan, sheshimin kúttirmeıtin basty másele – sy­­­­baı­­­­­las jem­­qorlyq. Biz osy baǵyttaǵy jumysym­yz­­­dy ári qa­raı da jalǵastyramyz. Halyqtyń múddesi biz úshin birinshi orynda, – dep atap ótti Maqsut Nasıbýlov.

Jalpy, partııa basshylyǵy Qazaqstandaǵy basty másele adal bıznesti tunshyqtyratyn, ekonomıkanyń damýyna jol bermeıtin, halyqtyń ál-aýqatyna keri áser etetin sybaılas jemqorlyq ekenin jıi alǵa tartady. «Elde benefısıarlary qaıta óńdeý salalaryn damytýǵa múddeli emes korporatıvtik, olıgarhııalyq ekonomıka qalyptasty. Jekelegen adamdar baıyp, mıllıondaǵan adam kedeıshilik jaǵdaıynda ómir súrip jatyr. Bul rette jan-jaqty tergeý júrgizip, urlanǵan jáne offshorlarǵa shyǵarylǵannyń bárin qazaq­standyqtarǵa qaıtarý qajet. 1990-jyldary kóp­tegen iri kásiporyn kúlkili somaǵa jekeshelendirildi. Osyndaı kompanııalardyń aksııalaryn halyqqa ótkizý týraly másele óte ózekti. Buǵan IPO arqyly qol jetkizýge bolady. Aktıvterdi ulttyq ekonomıkanyń jańa negizine aınalýǵa tıis orta bıznes ókilderi arasynda bólý kerek», dep esepteıdi partııa músheleri.

Turǵyndardy alańdatatyn máselelerdiń biri – tyǵyz qurylys «jyry». Bul problema tek Astana men Almaty qalasynda emes, elimizdiń barlyq qalasyna ortaq másele. Oppozısııalyq partııa múshe­leriniń pikirinshe, tyǵyz qurylys qala qasi­re­tine aınalyp otyr. Odan bólek toıymsyz qu­ry­lys salýshylarǵa eń jaqsy jer telimderiniń beriletini taǵy bar. «Ákimdikter ıgerýge bas jos­par boıynsha mektep, balabaqsha men aýrýhanalar salynýǵa tıis jerlerdi úlestirip otyr. Sonyń saldarynan turǵyndar áleýmettik ınfraqurylymnyń joqtyǵynan zardap shegedi», deıdi partııa ókilderi.