Qazir jasandy ıntellekt arqyly shyǵarma nemese esse jazýǵa bolady. Mundaı bottar bilim alýshylardyń arasynda tanymal. Jasandy ıntellektiń jazyp bergenin adamnyń jazǵanynan aıyrý qıyn. О́ıtkeni ol shyǵarma nemese esseni 70 paıyz júıeli jazady. Tipti keıbir bottar 97 paıyz antıplagıattan ótetin mátinderdi de daıyndap bere alady. Ǵalymdar mundaı algorıtm adam sanasynyń damýyn tejeıdi dep qaýiptenedi. Olardyń aıtýynsha, jasandy ıntellekttiń algorıtmderi adamnyń oılaý qabiletinen de asyp ketýi múmkin.
Jaqynda AQSh-tyń OpenAI kompanııasy mátin jazatyn ChatGPT botyn iske qosty. Zertteýshiler baǵdarlamalyq jasaqtama kez kelgen tapsyrmany oryndaý maqsatynda jáne emtıhan kezinde esepterdi shyǵarý úshin paıdalanylýy múmkin dep alańdaıdy. Sebebi oqýshylar men stýdentter óz ıntellektin damytýdyń ornyna osyndaı kómekshi bottarǵa jıi júginedi.
Osyǵan baılanysty OpenAI kompanııasy adamnyń nemese bottyń jazǵanyn anyqtaıtyn baǵdarlamany da ázirledi.
«Bul júıe arqyly jasandy ıntellekt jazǵan barlyq mátindi 100 paıyz anyqtaý múmkin bolmasa da, kóbin anyqtaı alady», deıdi júıeni qurastyrýshylar.
