Rýdnyı qalasy polısııa basqarmasynyń Kóshi-qon qyzmetiniń qyzmetkerleri Reseı Federasııasynyń quqyq qorǵaý organdaryna memleketaralyq izdeýde júrgen 1996 jyly týǵan Reseı Federasııasynyń azamatyn anyqtady.
«Qylmysker Qazaqstan Respýblıkasynda ýaqytsha turýǵa ruqsat alý máselesi boıynsha kóshi-qon qyzmetine júgingen kezde ustaldy. Jas jigit 2022 jyldyń jeltoqsanynda Qazaqstanǵa Túrkııadan kelgeni, kórshi memlekettiń aýmaǵynda jasalǵan bopsalaý úshin izdeýde ekendigi anyqtaldy. Izdeýde júrgen adamdy polısııa qyzmetkerleri ustap, ýaqytsha ustaý ızolıatoryna qamady», dep habarlady polısııa departamentiniń baspasóz qyzmeti.
